金像奬2023｜許冠文奪最佳男配角 曾婉拒拍攝《風再起時》

許冠文奪金像奬2023最佳男配角

去年曾在香港電影金像獎獲頒終身成就獎的許冠文今屆再憑電影《風再起時》以大熱姿態奪最佳男配角一獎，在戲中飾演廉政專員的許冠文與「四大探長」鬥智鬥力令一眾觀眾看得十分過癮。其中許冠文更以有一段長達5分鐘的英語對白，令不少觀眾留下深刻印象，大讚驚喜連連！

許冠文金像奬2023奪獎實至名歸呼聲高

《第41屆香港電影金像奬》金像獎最佳男配角競爭激烈，許冠文最終成功擊敗林海峰、羅永昌、張繼聰、陳湛文爭贏最佳男配角一獎，不過在拍攝電影前，《風再起時》導演翁子光表示邀請許冠文演出時其實曾多次被婉拒，幸好，許冠文看見劇本後對那段英語對白後感同身受，明白這部電影是寫給香港的情書才答應演出，最後亦成功令觀眾留下深刻印象，是次獲獎絕對是實至名歸。

許冠文去年獲金像終身成就獎 自嘲等咗40年

許冠文縱橫影壇半世紀，曾參演《鬼馬雙星》、《半斤八兩》，他笑言憑《摩登保鑣》奪得第一屆金像獎「最佳男主角」後，以為獎項會陸續有來，誰知得到六次提名，一個獎都沒有：「如果人哋話我好有成就，我應該要講啲咩？我想坦誠啲，40年前我攞最佳男主角，以為獎盃陸續有來，一路40年，等到今日，一個都冇，會長（爾冬陞）打畀我，話『我哋準備畀你終身成就獎』，我話『吓！咁快同我埋單？』，終身成就獎即係埋單，我仲要攞獎喎。」

他補充：「會長話：『你放心啦，如果你叻仔到好似謝賢，你就一啲問題都冇，謝賢攞終身成就獎，分分鐘攞埋最佳男主角。』四哥坐喺裏面，四哥對我嚟講係非常之大鼓舞。我真係唔覺得自己終身有咩成就，我只係覺得自己一世好命，可以喺香港呢個我認為全世界最美麗、最浪漫、最有機會嘅地方，喺呢度成長，呢個係我嘅好命。」

事後許冠文於後台接受ViuTV訪問，指黃子華介紹他出場領獎，沒有成就都變得有成就。被問到何時有新戲，他指如果親自製作電影，他會自編自導自演，但如果拍戲就可能只會客串：「其實我唔係好鍾意做戲㗎啫，我鍾意編劇，編啲新嘢出嚟去睇吓得唔得。」

許冠文含淚憶亡弟許冠英 欲棄拍喜劇因老婆1話繼續努力

許冠文更在台上多謝幾位貴人，包括李翰祥、鄒文懷，最重要感謝「最可愛、最親愛」的三個弟弟許冠武、許冠英、許冠傑，他哽咽道自己常常發脾氣，弟弟都無情講：「因為真係聲都唔敢出，許冠英經常同人講『梗係唔敢出聲，邊敢呀？佢聲大夾惡，又倔強固執，又牙尖嘴利，咪佢講晒囉』。許冠英已經去咗天堂，我知佢今晚一定睇緊，今晚想借呢個機會同佢講，所有你對我嘅批評都係啱嘅，我無咗你真係唔得，我好掛住你，同埋多謝你，呢個獎大部分都係屬於你。」

許冠文又多謝老婆鄭潔英、仔女及兩個孫：「我太太是所有我喜劇靈感來源，佢有非常樂觀人生態度，佢認為今日天跌落嚟，聽日都會更好，有陣時我覺得山窮水盡，我想拍悲劇，佢就會鬧我，使乜你拍悲劇畀我哋睇？呢個現實仲唔夠悲，睇新聞就得，段段都係，依家我哋戴口罩戴兩年幾喇，你一定要繼續拍喜劇，令香港人就算喊，都係笑着哭！提醒香港電影嘅兄弟姊妹，未來日子我哋會面對比較困難時光，我哋千祈唔好怕，我哋明天一定會更好，我哋香港人永遠有種精神，就算我哋喊，都係笑住嚟喊。」

其實他曾於節目中坦言過對弟弟很兇，曾想補救，但對方對他太恐懼，令他覺得好遺憾，明明內心好錫弟弟，卻未能讓對方方知道。另外他亦曾大讚老婆，他指自己完全無創作意念，覺得山窮水盡時，只有老婆可以救他，因為她會轉講其他事，帶走他的負面情緒。

許冠文與老婆結婚，結婚51年恩愛如昔。他曾有線電視接受訪問，用經營公司比喻婚姻，笑指夫妻相處之道就是聽老婆話，大部分事都交給老婆話事，日子就好容易過。以經營公司妙喻婚姻：「結婚好似開一間公司，若果兩個人都話事就好麻煩，只要大部份事都畀老婆話事，就好容易過日子。」他指自己「好命」遇上好老婆:「婚姻係套餐，要鍾意晒對方全部，要學識欣賞對方缺點，好似我老婆餐餐都要搵新嘢食，我初頭覺得好鬼煩，但係依家變成我其中嘅一項樂趣，因為我知道每晚都有好嘢食。」他還感謝老婆掌握財政大權，讓他不用亂使錢：「我自己係藝術家性格，若果無老婆，我可能洗晒所有錢。」

許冠文女兒是前歌手 認呷醋女婿

許冠文有位女兒許思行，現年46歲，童年時曾於在電影《雞同鴨講》、《新半斤八兩》中客串演出。畢業於香港演藝學院後，她成為一位歌手， 曾經為TVB演唱多首《美少女戰士》的主題曲及片尾曲，更憑《不必放棄》奪得《1998年度兒歌金曲頒獎典禮》「至Net兒歌大獎」。2006年與謝漢傑結婚，當日許冠文被爆要服鎮靜劑，以免自己情緒失控，他曾於有線節目坦言自己呷醋：「我覺得男人個個都係呷醋老竇，個女係半個女朋友，忽然有個男人搶走我女朋友，梗係嬲啦，個個男人嫁女嗰晚都好慘。」現在眼見女兒婚後生活美滿，還誕下囝囝，讀書又叻，才明白不應該霸住個女，因為女兒不是自己財產。