趙頌茹 與賤男周永恒分居期滿 ：我們三母女會堅強走下去

Text:Sunday Kiss | Photo:趙頌茹Facebook、新傳媒圖片庫 | Edit-希彤

女人要靠自己

阿Yu同周永恒分居至今，一直未有要求男方付贍養費，雖然經濟狀況有一定的壓力，但佢為咗兩個囡囡會繼續努力落去。佢呢日就有感而發並喺Facebook留言：「很想籍（藉）着這個機會，感謝每一個幫助過我，鼓勵過我，支持過我及為我禱告的朋友們！我們三母女在這些日子經歷了很多的第一次都因着你們的支持，亦多謝你們令我可以堅強走下去，成為女兒們的榜樣！所以，我想在此勸告那些想在我和女兒身上奪取任何東西的人，請你們反省一下，不需向我巧取任何有關工作的資訊，如果想證明就上庭，不要在背後搞小動作，亦不要巧立名目奪取我辛苦工作的功勞！」

阿Yu平時都會在FB上分享和女兒們的日常生活，早前佢就PO咗張相寫到：你們的吵鬧聲有時候真的令我😫😫😫可每次工作結束後，感到最滿足的就是聽到你們的吵鬧聲！一對女兒對阿Yu來說十分重要，如果有人想在她和女兒身上奪取任何東西，阿Yu絕對會奮不顧身地保護女兒們。

而一提起阿Yu，就會令人聯想起賤男前夫周永恒的種種惡行，包括當年襲擊阿Yu及婚外情一事。而日前二人分居期滿，原定將宣判二人離婚，惟男方不肯上庭，賤男子本色無改。而周永恒最近北上向大陸發展，更認識了內地女友，處處高調與新歡出入。而阿Yu表示亦大家已成過去，不願再干涉對方任何事。

離婚後 三母女感情更好

阿Yu 去年接受《Sundaykiss》訪問時指，離婚的決定是經過長久以來的掙扎，因為害怕改變，害怕一個人搞不定，更擔心小朋友的成長有所缺陷，但想到若然婚姻繼續下去的話，反而對小朋友的成長有較壞影響。一切風波過後， 阿Yu有向女兒坦白一切，雖然女兒只有幾歲人仔，但也大概明白了家中發生甚麼事情，最難得是因此更增進了三母女的感情。「我每次都好坦白同佢哋講解，坦白嘅意思唔係將事情最差嘅一面話佢哋知， 而係有限度、佢哋認知範圍上面，去讓佢哋明白到父母雖然分開居住，佢哋仍然有爸爸。」

擔任單親媽媽是一件不容易的事， 阿Yu 覺得不論單親與否，所有媽咪都是辛苦的，偉大的。佢話媽媽是全世界最偉大的：「係咪單親都係一樣咁照顧小朋友，本身我都係自己一手一腳去湊大小朋友，其實任何父母都有辛苦嘅一面，如果你要諗得好辛苦，咁好多嘢都可以好辛苦。只不過我經歷得更多，學識更多嘢，我都覺得自己有成長。」

放工回家 見到囡囡最滿足

阿Yu希望兩個囡囡喺一個開心嘅環境生活，並且希望佢哋每一刻都敢同佢傾訴，因為以往囡囡好驚同佢講心事，驚佢聽完會唔開心，但係其實佢哋唔同自己分享，反而更傷心。到依家，阿Yu表示自己對同小朋友嘅關係好有信心，因為依家睇到佢哋女兒好信任自己，每一日都充滿安全感。雖然兩個女啲吵鬧聲有時候真的令人好辛苦，但係每當阿Yu做完嘢返屋企聽到佢哋把聲，就覺得好滿足。