裕美自爆用錢解決婆媳關係：每月畀5、6位數字家用！拍片數臭林作3宗罪：好孤寒、愛露械

Q: 情侶相處之道是甚麼呢？

想維持長久關係的妳都會問過！過了熱戀期的甜蜜的階段， 情侶相處之道技巧 就十分重要，而擁抱姿勢也有不同的意思，想了解你的另一半更多 請看 。

Q: 我如何得知心儀對象是否喜歡我?

心儀對象的一舉一動總會牽動著自己的心，只要留意這些 男人喜歡你的徵兆 ，就能看出他到底喜歡或不喜歡你。而尋找靈魂伴侶也是十分重要，想知道你和另一半是否為靈魂伴侶嗎？就從 幾個特點 開始看吧！

Oct 26 2021

裕美與林作是非不斷，二人拍拖近3年一直備受爭議。裕美更一直都未被林作媽媽王莉妮接納，早前更在ViuTV節目《七救星》中公開「炒大鑊」，裕美一度激動流淚，但林作不但無調解，更講咗句：「Let them fight！」日前裕美接受黃婉曼的直播訪問除數臭林作外，她更直言因為近年積極賺錢可以用錢撻林作，而與林媽媽的婆媳關係亦因金錢而有轉機。

原文刊於：東方新地｜圖：IG@jolamchok、IG@wadahiromi、IG@master_qi_xian_yu、ViuTV《七救星》截圖、Facebook@安品‧生活Urban Mart

裕美自爆用錢解決婆媳關係：每月畀5、6位數字家用！

裕美向來敢言，這次接受黃婉曼的直播訪問，她一開始就話自己冇底線，有問必答，更把與林作及林媽媽的真實相處情況公開，她表示早已習慣林媽媽無視她，亦堅決不會主動討好對方。由與林作拍拖開始，林媽媽無時無刻都想棒打鴛鴦，她嫌棄裕美出身，除指她離過婚，學歷又低，但卻未有淋熄林作對裕美的愛火，反而令裕美更博命賺錢來證明自己。

黃婉曼做直播訪問，呢一集的嘉賓是裕美，預告話題是「裕美繼續數林作阿媽」，不過最後係數臭林作多啲。（圖片來源：Facebook@安品‧生活Urban Mart）

講到如何討好林作媽媽，裕美直言：「我點解要討好佢，好假囉！」（圖片來源：Facebook@安品‧生活Urban Mart）

裕美用錢感化林媽媽

裕美在直播中說：「林作當初同我講，只要你搵得夠多錢，我阿媽就會當你金咁拜，初時我都唔信，依家我搵到錢，林作話佢阿媽對我ok啲！」她認為女性獨立有好處，有經濟能力講句嘢都可以大聲啲！

裕美話在林媽媽的眼中，她冇學歷條件唔夠好，所以更加要搵多些錢。（圖片來源：Facebook@安品‧生活Urban Mart）

裕美坦言從來未試過與一個男人可以一齊超過一年半，結果她與林作竟拍拖快3年。（圖片來源：IG@wadahiromi） — 裕美坦言從來未試過與一個男人可以一齊超過一年半，但她與林作竟拍拖快3年。（圖片來源：IG@wadahiromi）

裕美：我依家搵錢撻林作㖭！

裕美話林媽媽唔係太睇重個女仔賢唔賢淑，她是要講條件，要夠威：「我做乜要迎合佢呢？我做生意唔係為咗佢，從來冇男人養過我，以前試過男友冇錢又想出去飲酒，問我攞錢，我點都唔會靠對方。以前我好渴望有婚姻，有完美家庭，我失敗過，依家大個咗有錢，你甩我就甩我囉，我亦唔需要你。我依家搵錢撻林作㖭！每個月畀5位至6位數字家用佢，佢只會回番一萬畀我，我依家可以大聲踐踏佢、鬧佢。」

裕美近年搞網上珠寶生意，外傳她搵錢仲多過林作。（圖片來源：Facebook@安品‧生活Urban Mart）

裕美表示每個月都會畀5位數字以上的家用林作，網民讚佢唔洗男人錢有性格。（圖片來源：Facebook@安品‧生活Urban Mar）

林作：邊個係哥斯拉？邊個係金剛？佢哋自己揀

林作的媽媽王莉妮和他的女友裕美關係一向水火不容，早前林作上七仙羽師傅主持的ViuTV節目《七救星》做嘉賓，嘗試為兩人去修補彼此關係。但結果破冰飯局失敗，裕美更委屈爆喊。夾在中間的林作不但無調解，更講出2014年電影《哥斯拉》（Godzilla）入面的經典金句：「Let them fight！」

七師傅沒有參與對話，但雙手合十不停唸經。（圖片來源：ViuTV） — 裕美和林母一向水火不容，林媽媽嫌失婚裕美的背景複雜，深信她與林作拍拖只因貪錢，所以就算住在同一大廈，二人都不相往來。（圖片來源：ViuTV《七救星》截圖）

裕美自言感到委屈，忍不住掩面流淚。（圖片來源：ViuTV） — 早前在節目《七救星》中，七師傅與林媽媽初次會面十分投契，林媽媽更叫七師傅考慮當她的新抱，但面對裕美時，林媽媽卻即時變臉。（圖片來源：ViuTV《七救星》截圖）

平時好硬淨的裕美竟然喊到鼻都紅埋！（圖片來源：ViuTV） — 平時好硬淨的裕美自言感到委屈，喊到鼻都紅埋，奪門而去。（圖片來源：ViuTV《七救星》截圖）

林作在預告片中講咗句：「Let them fight！」（圖片來源：《七救星》預告片截圖） — 林作無調解更講咗句：「Let them fight！」，一副事不關己的樣子。（圖片來源：ViuTV《七救星》截圖）

林作夾中間當睇戲

林作近日接受傳媒專訪，指自己在事後有為裕美而同媽媽嗌過交，亦有向媽媽解釋裕美係女強人，能夠賺好多錢，無使過他任何錢，反而有分錢給他使，令林媽條氣順番。他笑言自己夾在中間就當睇戲，好似睇《哥斯拉對金剛》（《Godzilla vs. Kong》），名句係「Let them fight」，至於邊個係哥斯拉？邊個係金剛？林作話畀佢哋自己揀，因為兩個都唔吸引。

林作和阿媽及女友裕美的世紀合照，要靠P圖才能出現。（圖片來源：ViuTV《七救星》截圖）

林鍾大戰獎金已使約20萬

林作又主動提出林媽媽和裕美來場「大戰」，若真係要打，就搵金主鍾培生贊助，但這個提議不被裕美睇好。此外提到早前「林鍾大戰」過後，林作收到鍾培生94萬多元獎金，他表示主要花在維修兩部車和家中的浴室、冷氣上，共計使了約20萬，又分了88,800元給拳賽教練，攞個好意頭。

（圖片來源：大會提供） — 林作早前雖然打輸了和鍾培生的拳賽，但獲得94萬多元獎金。（圖片來源：大會提供圖片）

林作想搵金主鍾培生贊助女友和阿媽的拳賽，但裕美就唔睇好。（圖片來源：裕美IG） — 林作想搵金主鍾培生贊助女友和阿媽的拳賽，但裕美就唔睇好。（圖片來源：IG@wadahiromi）

林媽媽望林作與七師傅培養感情

林媽媽對與裕美上擂台一戰的提議，表示願意參與，但她直言唔想再提林作和裕美兩個人，最緊要係自己每一日都過得開心。林媽表示始終想要七師傅做新抱，因為覺得對方有學歷又叻女和孝順，並指現在已和七師傅結拜，希望畀多啲時間她和林作培養感情，相信只要林作願意，兩人未來仍然有機會發展。

林作媽在節目中送了名牌裙及首飾給七師傅，仲認她做契妹。（圖片來源：七師傅IG） — 林作媽在節目中送了名牌裙及首飾給七師傅，仲認她做契妹，之後七師傅亦送了個LV袋給林作媽做生日禮物。（圖片來源：IG@master_qi_xian_yu）

林媽認為林作和七師傅未來仍然有發展機會。（圖片來源：林作IG） — 林媽認為林作和七師傅未來仍然有發展機會。（圖片來源：IG@jolamchok）

裕美擔心被指無風度

而裕美則表示在節目播出後已事隔兩個月，但兩人關係不但無緩和，反而變得更差，不過她擔心和一個媽媽級打擂台，會讓人覺得她「蝦」對方。裕美表示若上台她一定會贏，事關她平時打林作都好大力，但她不想讓人覺得她無風度，因為對方始終是長輩。裕美又指鍾培生不可能贊助兩人上擂台，因為他之前贊助也只是想自己成名，而贊助她和林媽對戰，於鍾培生沒有任何好處。

裕美指上次拍完節目後，她覺得好委屈和難受，情緒變得好低落，足足失眠了三日。（圖片來源：裕美IG） — 裕美指上次拍完節目後，她覺得好委屈和難受，情緒變得好低落，足足失眠了三日。（圖片來源：IG@wadahiromi）

裕美直言是林作鍾意她多過她鍾意林作，她亦不靠林作生活，因此即使將來林作離開，她也無所謂。（圖片來源：裕美IG） — 裕美直言是林作鍾意她多過她鍾意林作，她亦不靠他生活，因此即使將來林作離開，她也無所謂。（圖片來源：IG@wadahiromi）

裕美數臭林作3大不是！

裕美接受黃婉曼直播訪問無所不談，除了把婆媳關係擺上枱，就連林作都唔放過。裕美表示以往每段交往都不會超過一年半，但與林作可以拍拖近3年好難得，又話林作性格與人品都好好，不過她依然唔滿足，在直播中竟全方位數臭林作，就連私生活都拎出來分享。當中林作一個陋習裕美話接受唔到，仲話唔想同佢有下一代，黃婉曼聽完都覺得太過尖酸刻薄。

裕美最不能接受林作成日露械

原來過去裕美無論拍拖或結婚，每段關係都不會超過一年半，不過她與林作拍拖快3年，她表示二人各方面都很夾，她亦很支持林作經常做出很爆的事情，不過林作經常露雀是她最不能接受的事，她說：「佢成日露械，喺屋企唔著褲，我個女性好友喺度都照咁做，仲話自己啲毛係啡色，拎個黑色銀包出嚟對比，追住我朋友，佢仲剪咗一執毛擺喺我朋友隻手度，好癲！」裕美指唔止朋友，林作竟連未來岳母都唔放過，試過在她面前一絲不掛浸浴。

裕美手舞足蹈去描述林作如何慣性露械。（圖片來源：Facebook@安品‧生活Urban Mar）

裕美數臭林作慣性露雀分享體毛直言唔想同佢有下一代 — 裕美今年7月生日，一大班朋友為她慶生，林作竟然全裸迎賓。（圖片來源：IG@wadahiromi）

裕美大數林作孤寒

雖然裕美話林作性格好，為人又專一，但對於錢銀方面就好「度縮」，裕美用他廿幾三十蚊都會計住，所以裕美平時唔會用佢一分一毫。然而林作的口不擇言，有時連裕美都頂佢唔順，原來當年第一次見裕美媽媽，林作已經原形畢露，裕美說：「佢第一次見我媽咪已經講性器官嗰啲咸濕嘢，仲笑我阿媽，我諗普通女仔一定接受唔到佢，佢都係想搵個支持佢做呢啲爆嘢嘅人！」

裕美近月再養了一隻貴婦犬，她表示回家第一日為愛犬洗白白，當時裕美母親亦在場，但林作竟即場除衫除褲與狗同浴，裕美母親被迫睇林作全相。（圖片來源：IG@wadahiromi）

裕美話林作係自戀狂，覺得自己好靚仔好完美，仲話人天生就唔冇衫著，就好似亞當與夏娃一樣。（圖片來源：IG@jolamchok）

裕美坦言：唔想同林作生B！

至於結婚憧憬，裕美矛盾地表示自己本來想生小朋友，但唔係想同林作生，因為怕仔女個樣似佢。裕美在訪問中更多次揶揄林作其貌不揚，難與她那位好似碧咸咁靚仔的老外前度相比，雖然林作家境富裕乜都有，但裕美就大爆他最想得到的是跟裕美「造愛」：「真係迫唔到，望住林作個樣真係唔想要……」在旁的黃婉曼聽到裕美多次踩林作，都忍唔住話裕美尖酸刻薄。