蜘蛛女鄭麗莎 誕下三胞胎後 極度Fit爆復出！

photo：蜘蛛媽媽- 鄭麗莎LisaCheng@Facebook、新傳媒資料室產後修身

鄭麗莎 和丈夫2年前已生下兒子Tommy，感嘆生命很神奇的她曾揚言要生夠6個，組織熱熱鬧鬧的大家庭！現在一口氣生下2女Laura、Emma和1子Jeremy，一家六口距離目標不遠矣！

鄭麗莎 的三胞胎超可愛。 產後修身

坐月是調理身體的黃金時間

雖然有了上一次生仔經驗，但 鄭麗莎 都不敢怠慢，表示「今次明顯覺得體力比之前消耗得更多，自問雖然做開運動，但陀住三個B真係唔容易」，所以令次她特別注重產後復原的時間，更說：「產後原來係調理身體嘅黃金時間，進補得好d，唔單止可以加速復原耗損咗嘅身體，仲可以達到固本培元效果呀！」難怪今次她特別重視產後的食療。

好多媽媽懷孕期間不算肥胖，坐月才是致肥元兇！中國人坐月樣樣都補， 鄭麗莎 便與月嫂溝通好，稍稍改良餐單，避免進食過量脂肪。「傳統秘方一日要食八、九 餐，又鹹又甜，要飲酒又要飲埋啲汁，咁先叫補。我嘅定義係，我覺得足夠，點解仲要食呢？雖然月嫂話人人都要跟，但我冇跟足，我覺得坐月應保持三至四餐，少 鹽少油，例如煮雞酒我會食雞，但唔需要飲埋啲汁，雖然話啲汁係最補，可以驅寒，其實啲汁煮咗雞都夠啦，成pat脂肪點飲呢；啲酒糟補品我亦冇夾硬食，每餐 我最多七成飽，唔需要食十成飽，隔兩個鐘又一餐。」

鄭麗莎 懷孕時手腳仍非常纖瘦。

健身球當櫈坐 產後修身

控制飲食加運動，在修身過程必不可少， 鄭麗莎 建議媽媽們必須從懷孕開始保持適量運動，做瑜伽、玩健身球及多走路都是不錯選擇，而順產亦比開刀更快恢復體力，可以提早復出做運動。

有運動底子的她，新陳代謝比常人迅速，坐月期間開始做健身球及簡單運動，坐滿月時更立刻去行山。上一胎出生時，她坐月後已開始緩步跑，踏入第三個月已經打拳及攀石，並為新戲練詠春及洪拳！她笑言自己比較極端，但一般媽媽都可以利用健身球幫助修身，保持基本運動量。「我喺屋企將fitball當櫈坐，睇電視都坐fitball扭扭吓，可以練到軀幹能力、穩定性同平衡力，而柔軟度同力量上嘅動作，都可以用fitball做到。」

坐月後，鄭麗莎 立刻做自己最鐘意的事：去行山！她還說會陸續踩單車、打拳、跆拳道、健身、游水等等。

簡易健身球修身

鄭麗莎 表示，好多媽咪生完BB後，因漲奶而造成胸部下垂、鬆馳等嘅問題，可做一啲Firm胸運動，改善胸部線條，齊齊做個靚媽咪！Lisa 利用修身球示範了幾款動作，適合產後媽媽，15下一組，共做3組。或者抱B 做sit up，每上一下都可以親親BB，以運動加強親子關系，母子都開心。

1. 平板支撐

用修身球做Plank收腹。

身體再慢慢向後移。

2. 臀部上推產後修身

可收緊Pat Pat。

呼氣時臀部發力提起，至上身、腰、大腿成一直線，重複進行。