原文刊於：東方新地 ｜ 圖片來源：東方新地、蒙嘉慧facebook&Instagram

蒙嘉慧鄭伊健趁生日放閃：自爆老公笑我係XX

蒙嘉慧令鄭伊健打破七年魔咒

47歲蒙嘉慧同伊健結婚七年，愛妻號伊健向來甚少將太太蒙嘉慧掛在嘴邊，卻是用實際行動，不但孭起幾頭家之重任，早年在新界買地皮送太太，放任蒙嘉慧滅慢工作、四圍飛享受世界，自己便努力搵錢養家。蒙嘉慧在老公53歲生日，未有大鑼大鼓大搞，拍住拖食至愛的牛腩麵，完全體現平淡但實在的夫妻之日常。

蒙嘉慧玩另類放閃

蒙嘉慧更大爆跟平時夫妻之甜蜜對白放閃，蒙嘉慧同伊健食牛腩麵慶生時，蒙嘉慧因為為食想加單食肥爆的鮮油奶多，然後問伊健：「老公，如果我第時變咗做肥婆呢….」未講完，伊健已搶住話：「唔係第時，已經係﹗」唔介意自爆在伊健眼中變成肥師奶，另類放閃，真係燦死人﹗

伊健在朋友面前大讚蒙嘉慧

蒙嘉慧在伊健眼中變成幸福肥師奶之外，蒙嘉慧又爆原來自己係老公眼中衣著打扮好有個人風格，有一日伊健突然話蒙嘉慧著衫好有宮崎駿味道，蒙嘉慧心中暗笑被老公讚，點知伊健竟喺朋友面前衝口而出話：「咁係吖嘛，點著都有種村姑味﹗」蒙嘉慧唔介意分享呢段夫妻對話，仲話伊健係打從心底讚自己﹗

蒙嘉慧疫情變廚神餵飽伊健

疫情期間，蒙嘉慧同伊健無法去至愛的日本，工作減少，被迫留在家中，不過二人都係無時停的人，疫情稍為緩和，便衝出去玩水玩直立板，出外食個lunch，不過蒙嘉慧亦在家中變廚神，不時整日式食品餵老公，早前整完日式疏乎里班㦸，夜媽媽又炸日式雞翼，呢啲夫妻情趣，便是二人維繫十四年感情的秘訣。