胡鴻鈞挑戰周秀娜出人形攬枕！網民嫌棄：出刀削麵應該會好賣點！
香港動漫電玩節同無綫合作，在big big shop推出其中一款產品「胡鴻鈞幸福攬枕」。男星出攬枕已經令火少網民震驚。胡鴻鈞唱歌和拍劇的發展都不俗，但似乎還未未至於紅到好像周秀娜當年，可以出人肉攬枕吧？不過最驚喜的是售價為港幣399元，網民海量回應，笑問胡鴻鈞是否得罪了無綫高層，建議他不如出刀削麵更有噱頭，又話寧願要汪阿姐和阿Bob的攬枕也不要胡鴻鈞，未開售就已經反應插水。
原文刊於：東方新地
推出幸福攬枕
今屆書展同動漫節因疫情緣故延期舉行，而香港動漫節決定同無綫合作，將啲產品放上big big shop度賣，而無綫就搞搞新意思食住商機，為旗下藝人胡鴻鈞推出人肉攬枕，並命名為「胡鴻鈞幸福攬枕」。究竟呢個胡鴻鈞攬枕有幾幸福？喺big big shop廣告中有介紹：「攬住『胡鴻鈞幸福攬枕』，就好似攬住Hubert真人咁幸福！以後無論你想聽歌或是睇戲，都有『胡鴻鈞』陪著你！」開價係港幣399蚊，仲附送胡鴻鈞親筆簽名卡一張。
娜姐大賣6千個
其實娜姐周秀娜先係人肉攬枕始祖，十年前佢已經喺香港動漫電玩節推出過攬枕，當年成為全城熱話，更成功賣出6千個，銷售額超過300萬。真係橋唔怕舊，胡鴻鈞挑戰娜姐，真係好大膽。
尖下巴會拮親
講到呢度，胡鴻鈞粉絲很想要吧？不過網民普遍並唔係咁諗，質疑無綫係咪「傻咗？」「搞錯咗？」，為藝人出攬枕唔奇怪，但最難明係無綫芸芸藝人中，一線小生花旦唔份出，樣靚身材正嘅咪神、小花唔出，只係幫胡鴻鈞出，呢層真係令人費解，網民反應極大，幾乎全部都話個攬枕咁嘅價錢一定「唔會買」、「冇興趣」。
網民留言mean爆
寧買阿Bob同汪阿姐
網民仲有大量抵死回應，又重提削骨還父舊事，笑個攬枕下巴太尖會拮死人，又叫胡鴻鈞不如出刀削麵仲適合，仲話寧願要汪阿姐、阿Bob、馬明同高海寧都唔要胡鴻鈞。話唔定今次胡鴻鈞只係先頭部隊，無綫想試吓市場反應，下次先再出汪阿姐呢？
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
