66歲肥媽寒流下向長者送暖!以亡夫名義捐過千飯盒口罩予良心店
撰文:東方新地|圖片來源:肥媽facebook、新傳媒、節目截圖
肥媽代亡夫做善事
肥媽定期也會跟良心店合作做善事,去年已用亡夫名義送1000個關愛飯盒及5000個口罩給長者。「千樂燒味餐室」於日前出post感謝肥媽:「今天很冷,心卻很暖,多謝肥媽再捐出500個關愛飯盒及2500個口罩送給長者。」頻頻做善事溫暖人間,肥媽舉動令網民大讚。
肥媽喪夫一個月復工
肥媽坦言丈夫離世令她相當不捨及未能習慣老公不在身邊,最近開始釋懷更指老公上天家都是一件好事,又指自己是時候放下﹗不過口說放低,肥媽卻透露每日都感應到亡夫就在身邊,對她繼續貼心「照顧」。
韓國逆齡 Dualsonic 美容機
- 素人實測 去眼袋/淡眼紋/V臉
- 7大護膚功能:HIFU、RF射頻、微電流等
- 韓國熱賣 用家平均評分達4.9星
- 改善膚質、澤度、紋及粗糙問題
資料由客戶提供
肥媽感慿亡夫在身邊:「我唔係導人迷信﹗」
肥媽指過去除了飲食照顧老公,其餘一切起居生活都是依賴著老公,肥媽舉出三項鐵證以證老公一直在身邊「照顧」她,指曾經試過找遍全屋所有地方,也找不到錘仔,但卻突然在工具箱出現,似是亡夫暗中幫忙。又試過冷氣在瞓覺時自行熄機,肥媽指「怕我冷親幫我熄機」,又指最有靈性的狗仔夜晚會搖頭擺尾,像在歡迎亡夫回家﹗如此種種,肥媽直覺亡夫Rick一直在自己身邊:「我唔係導人迷信﹗」
老公信天主教 肥媽燒ipad紙紮
肥媽表示因為亡夫生前的飲食全由她負責,所以在亡夫的天主教形式的靈堂上,肥媽獻上有煎pan的花圈寓意「繼續煮飯畀老公食」,肥媽透露老公遺願是希望她繼續開live教煮餸,所以肥媽為亡夫燒了電腦、ipad等紙紮,等老公死後可繼續收看其煮食直播,以及可以畀like,故開工都感到老公在關注她﹗
肥媽痛失結婚21丈夫
肥媽Maria Cordero嘅葡籍丈夫Rick,於11月初早上因呼吸困難而入院,於凌晨逝世。隨後肥媽於社交平台公佈丈夫死訊。由於Rick嘅死訊過於突然,肥媽一時難以接受,Rick嘅身後事將會由家人安排。肥媽與Rick結婚21年,風雨同路,恩愛至今;Rick於2017年確診末期肺腺癌,肥媽一邊承受巨大嘅心理壓力,一邊以各種方式支持老公,並肩對抗癌魔。
肥媽曾慘遭家暴
觀眾平時見到的都係肥媽強悍一面,或者同六號(陸浩明)嘻嘻哈哈教煮餸,你又點估到佢曾經係家暴主角?事緣18歲果時,肥媽嫁俾大過佢22年的菲律賓酒廊琴師,對方家境平俗,家庭經濟全靠肥媽支撐,養活一家八口。
前夫曾偷食女傭
肥媽透露前夫婚後一年即失業,每月攤大手板問佢攞錢,每次出糧都要成個糧袋都交俾對方,但每每未到月尾就已經花光。所以肥媽的子女們都勸佢離婚,認為如此下去肯定冇前途。肥媽仲話前夫曾偷食家中女傭,令對方懷孕,衰到冇人有!
拳打腳踢出刀仔
以為咁樣做已經夠賤?低處未算低!當前夫覺得肥媽自力更生,佢就想完全控制肥媽,不時拳打腳踢,連刀仔都出埋!只求打到你服。好彩肥媽夠健碩,擋到幾下刀攻拳踢,不過咁做已經傷透佢心,更對小朋友造成好大影響。雖然已經過去多年,但肥媽在節目中重提呢段慘痛經歷時都忍唔住爆喊!
肥媽嘅葡籍丈夫Rick不敵癌魔離世。肥媽同丈夫鶼鰈情深,結婚21年嚟一直恩愛,肥媽更曾喺在鏡頭面前大讚丈夫,甜蜜講述二人之間嘅相處點滴。
https://www.youtube.com/watch?v=wRzZ4EELk-I
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。