老公緊張陪實 陳敏之 入院生B啦！
現年37歲的「索腿天后」 陳敏之 ，今年七月時宣布為老公雷偉信(William)陀B仔四個月，所以自拍畢最後一集《Sunday好戲王》後便全面停工，專心安胎。屈指一算，敏之至今已懷孕九個月，剛剛東方新地記者獨家直擊敏之在老公陪同下入院開刀生B，相信BB會是兩公婆有生以來最好的聖誕禮物！
撰文︰Sunday Kiss
得天獨厚 肥肚不肥身
陳敏之 雖然甚少在公開場面露面，不過經常都在網上分享大肚婆生活照。見到佢個肚雖然真係籮咁大，但未見手腫腳腫，而且塊面仲好似尖過以前，不愧為得天獨厚的索腿天后！早前敏之曾講過會在12月擇日剖腹生B，笑言腹中寶貝將是兩公婆最好的聖誕禮物。而今日，敏之終於入院啦！
直擊敏之入院
剛剛本刊記者獨家直擊敏之在老公及媽媽陪同下到跑馬地養和醫院，戴上口罩、身穿黑白間鬆身衫的敏之下車時禮貌地向記者打招呼，並大方承認是入院生B。敏之先與媽媽先入內登記，至於隨後進入醫院、替敏之拿着「走佬袋」的William似乎有點緊張，只是點頭微笑，未有透露太多細節。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
Tag
陳敏之
