46歲索媽郭羨妮帶愛寵絕育 實行身教女兒做好榜樣

原文刊登於：東方新地｜圖片來源：東方新地

郭羨妮全天候留港湊女

同內地武指兼導演朱少杰11年拉埋天窗的郭羨妮，經常被指女尊男卑，不過Sonija就繼續我行我素，近年更男主外女主內，老公朱少杰長期留在內地拍劇，Sonija則為照顧愛女Kylie而減產，去年客串完電影《尋秦記》，今年就全天候留港湊女，遇上新冠肺炎疫情，女兒不用上學的日子，Sonija便身兼家長與老師。據知情者透露：「自從Kylie出世之後， Sonjia 已經接少好多工作，只係會揀啲唔太困身嘅嘢先接，今年遇上新冠肺炎疫情，囡囡唔使返學，Sonija喺屋企湊女變相更加忙，唔想個女心散，仲幫個女編咗個學習時間表，除咗陪個女上Zoom Class，仲會搵好多嘢陪個女一齊做，好似運動、跳舞同整嘢食，當做陪個女一齊學習，依家開咗學，佢先可以有番多啲自己時間！」

為女兒搬屋 為愛寵絕育身教女兒

因女兒在何文田校網升小學，去年郭羨妮更由住開的清水灣半島搬到何文田新居。據知情者透露：「依家Sonija乜都以女行先，因為個女升上小學，喺九龍區校網返學，為咗唔想個女朝朝咁早起身唔夠瞓， Sonija索性賣咗將軍澳間屋，搬到學校附近住，慳番啲塞車時間，等個女唔使咁辛苦！」今 年 六 月，Sonija養了十七年的愛貓Meow離世，囡囡出世後就一直由貓咪Meow陪伴成長自然特別不捨，小朋友難以接受生離死別！早前Sonija便為女兒買了新寵物做伴。

日前Sonija便親自帶愛寵去做絕育手術，當日Sonija駕駛已經揸了近十年的Benz座駕去到何文田「港九寵物醫院」，原來其經理人一早已帶了她的新寵物到醫院等候做絕育手術，Sonija泊低車後便匆匆入醫院陪愛寵做手術，愛寵做完手術，Sonija先吩咐經理人將寵物放上車，她則在接待處畀錢，花了五千多元為愛寵絕育，超級有責任心！昔日電視城姣花，做咗人妻人母連德行都改變，做好榜樣身教女兒！

郭羨妮拍劇常過電

11年同內地導演朱少杰感情修成正果，不過愛情至上的郭羨妮，在TVB拍劇時就經常撻著拍檔。

2000年9月姣媾古天樂

郭羨妮以最靚港姐姿態首次拍劇，與古天樂在涿州合拍《尋秦記》，當時便有指她向古仔狂施姣功。

02年4月馬浚偉緋聞羅生門

拍攝無綫劇集《帝女花》，盛傳她主動追求陳豪，晚晚等男方收工，但之後又傳真命天子是馬浚偉，不過她懷疑馬浚偉借緋聞宣傳一度反目，至06年二人才破冰。

02年9月溫兆倫戲假情真

與溫兆倫拍《牛郎織女》戲假情真，被溫兆倫以菠蘿包攻陷芳心，甜蜜公開承認戀情，不過這段情只維持了三年，最終在05年分手。

05年10月暗撻馬德鐘

與有夫之婦馬德鐘在河南合拍《爭霸》而傳緋聞，當年更有指馬德鐘婚姻亮紅燈。

06年7月戀人夫陶大宇

跟陶大宇拍《學警出更》撻著，出軌陶大宇更為她拋棄糟糠之妻，郭羨妮因而被封「狐妮」。