33歲簡淑兒藍帶課程畢業 成績優異網民大讚又靚又叻

簡淑兒離巢後多方面發展努力經營IG與粉絲互動

簡淑兒入行11年，多年來均專注幕前工作，不過自去年離開TVB發展後簡淑兒除了參與不同公司的拍攝工作外，就好像為HOYTV（前名：開電視）遠赴英國主持節目《離鄉別井的故事》，訪問一下移英港人的近況。日常拍攝工作下，簡淑兒亦非常努力經營個人IG，周不時與一眾粉絲分享修身健康美態成果，令不少粉絲都相當羨慕她的好身材。

私下熱愛烘焙遠赴泰國進修「藍帶」課程

簡淑兒平日除了喜愛做運動來維持健康體態外，她對烘焙亦十分感興趣。她早前就特意遠赴泰國進修著名廚藝學府「藍帶」的麵包相關課程，周不時會在IG分享學習成果，從照片中可見簡淑兒製作的每款麵包賣相也好好看，令人垂涎三尺。有不少粉絲更留言詢問是否可下單，相信大家都十分想試食簡淑兒親手製作的美味麵包。

以優異成績畢業「藍帶」課程網民大讚叻女

簡淑兒遠赴泰國進修「藍帶」麵包課程已有一段時間，日前她就在社交平台上分享畢業的好消息，更指自己是以頭3名成績完成課程，更得到5000泰幣獎學金以作鼓勵，有不少網民都留言大讚：又靚又叻女！而簡淑兒就曾分享學整麵包時的心路歷程：「你不知道你已經行了多遠，直到你回顧自己走過的路……這不容易，不過是值得的！」相信如今以第三名成績畢業必定下了不少苦功。

簡淑兒近照疑容貌再度升級撞樣影后張曼玉！

簡淑兒 (Jessica) 近照由妝容至打扮都跟昔日不同，穿上一條露腰貼身裙，大膽嘗試性感風，她更寫道：「Hello October~ They had a goal in mind for this project~ a new style、a different feeling、a transformation」言語間表示想要蛻變成不一樣的自己。不過網民都把焦點放到其美貌上，比起之前Jessica的五官輪廓愈見精緻，更有網民指她某些角度跟影后張曼玉撞樣，再度惹來容貌再升級的疑雲。

簡淑兒不甘平淡 勇於跳出舒適圈

自從去年6月簡淑兒於個人社交平台宣布離巢，不久後就接受了節目《月傾會》的獨家訪問，她表示自己不知不覺間入行已11年，是時候要跳出舒適圈，外闖一下看看自己會否有更大的進步空間。她憶述入行初期，曾有人跟她說：「佢話呢一行，靚嘅女仔大把，你又冇名銜、又唔係讀藝訓、又冇讀過演藝，你又冇後台，你覺得自己憑咩呢？」如今入行11年了，簡淑兒直言想跟昔日這個人表示：「我好想可以同返佢講，我憑咩呢？就係憑我真係好鍾意呢一行，同埋我真係唔肯放棄囉！」而且自己絕不會放棄當演員。

簡淑兒直言不經不覺已入行10年，因此決心要跳出舒適圈：「10年前嘅我，都係因為跳出咗自己嘅comfort zone，先會入到呢一行；10年之後，不如再試下跳出comfort zone，睇下會唔會有更多進步！嚟到呢個位，自己好似stuck住咗，所以想跳出去囉！」

簡淑兒：自由身唔一定要簽公司

問到離開無綫後大計，簡淑兒話：「依家自由身，有好多嘢自己想試囉，唔一定要有公司，先有你嘅價值，一個人嘅價值，應該去到邊度都有！我依家就好努力去build up自己價值，睇下嚟緊會唔會有唔同project，或者自己試下拍片！」

簡淑兒最開心識到陳婉衡

提到在無綫10年最開心的事，簡淑兒就話：「最開心就係我識到依家嘅best friend，大家係同一屆入選嘅Alycia（陳婉衡）！我諗我呢10年裏面，如果冇佢喺身邊，日子未必會咁開心囉！」

簡淑兒拒認有錢女：屋企搵幾多都唔關我事

簡淑兒自入行後一直被傳是有錢女，屋企好富貴，對此簡淑兒一直堅持父母只是在美國做珠寶小生意，仲話有錢過佢嘅人大把：「我真係唔係好有錢，屋企人就算搵幾多都好，都同你冇乜關連，因為你自己都要有你自己生活，冇理由呢一世都係靠屋企㗎嘛！」不靠家人真是十分獨立的好女生！

簡淑兒在美國讀書時曾被霸凌

簡淑兒仲透露自己當年在美國讀書慘被霸凌，甚至試過被人剪頭髮及推落樓梯：「我喺香港出世，但係我喺美國大，我啱啱過到去唔識講英文，所以嗰時成日畀人蝦，試過畀人剪頭髮呀、推我落樓梯呀，令我性格變到好內向，佢哋（父母）見到就覺得我出嚟做嘢會好蝕底，所以想我去見識下，去參加港姐識多啲嘢，但就冇諗過我會留喺呢行！」雖然簡淑兒在兒時慘被霸凌，但是她也沒有屈服，反而堅強改變自己成為一個更好的人，真是十分值得學習。