TVB 力捧新晉男團「SUPER TIGER」C位羅天宇：估唔到14年之後我有呢個機會

Q: 有什麼Netflix、Disney+推薦及必睇劇集？

為大家整理一下截至目前為止小編追過的Netflix影集清單， 必睇Netflix電影或劇集片單 ；Disney+方面，則可以一看 電影片單推介 。

Q: 有什麼必睇劇集？

不少美劇都被稱為神劇，小編整合了一系列必看 美劇推介 。當然，不少得 韓劇 、 陸劇 、 台劇 及 BL劇 推薦。

Feb 15 2022

近年TVB都跟上男女團熱潮，最新打造了一隊「期間限定」的TVB男團，名為Super Tiger」，淨係聽個名都知道威啦，不少網民都表示團名夠晒應節，完全貫徹TVB獨有風味，似乎想力撼ViuTv《全民造星》誕生的MIRROR、Error、P1X3L男團組合，而女團方面就由《聲夢傳奇》四位學員組成嘅「After Class」對決ViuTv COLLAR。

Super Tiger 成員包括： — 成員包括有羅天宇、許俊豪（Lincoln）、「蔥頭」丘梓謙、「賈明昇」鄒兆霆、曾展望（GM）、林俊其、魏柏豪、劉展霆（Eden）、李紹堅，以及宋懿芳。（圖片來源：TVB影片截圖）

事不宜遲，即欣賞咗佢哋嘅表演先：

評價好壞參半

據知，「Super Tiger」嘅排舞時間就只有4日半，當日他們在賀歲節目《恭喜發財好運來》壓軸登場，分別唱跳表演了《青春有你》的主題曲《青春有你》以及《喜氣洋洋》。「Super Tiger」的舞步到底能否稱得上賞心悅目，就要睇個人喜好，不過好明顯舞步不齊整，加上全程咪嘴演出，場面的確有點尷尬。然而，「Super Tiger」在事後獲得不少討論道，尤其TVB將他們表演的片段放在YouTube後，網民的留言尤其激烈，當中不乏帶點取笑較嘲諷留味，例如「你不覺得尷尬，尷尬的就是別人」、「心情唔好，有朋友介紹我入嚟睇，佢話我睇完包笑到反艇」等等，當然亦都有唔少網民表示支持，認為很有新意、顏值夠高等等十分正面。

（圖片來源：YouTube@TVB截圖） — （圖片來源：YouTube網民留言截圖）

期間限定突然變長做長有？

當初講到明是「期間限定」，相信有不少人都認為「Super Tiger」的組成主要屬於娛賓，過埋農曆新年之後似乎就會面臨「解散」嘅命運，但豈料觀眾反應熱烈，TVB於是「添食」，近日還派出《東張西望》主持去做專訪，仲講到明話會「復活」，似乎TVB男團，真係有得諗！

佢哋一齊講：「大家好，我哋係Super Tiger」嘅時候，幾有氣勢，連團隊專屬嘅手勢都有埋！（圖片來源：YouTube@TVB截圖）

C位羅天宇實現夢想

由始至於都企「Super Tiger」C位嘅羅天宇，有「女神收割機」之稱嘅佢當然不乏顏值，但原來近年靠演戲上位，啱啱仲拎埋「飛躍進步男藝員」嘅佢一直都有男團夢：「自己係入行前已經想成為男團，估唔到14年之後我有呢個機會。」而另一方面，前男團天堂鳥成員許俊豪就好大方咁話因為前組合解散咗，可以名正言順入新團咁話喎！