忙到無like老婆囡囡相 王浩信 努力買真鑽石畀老婆
事業如日中天的 王浩信 （Vincent），劇接劇job接job做到無停手，難免因事業而忽略家庭，日前更傳出同老婆YoYo（陳自瑤）婚姻出現問題！雖然YoYo已經交代兩公婆無事，而緊張老婆的 王浩信 接受訪問時再次否認婚變，表示自己工作好忙，難免少見老婆、家人，但二人感情一直OK，多謝大家關心！
原文：東方新地｜Photo： Instagram
由渠頭、Saving哥到現時《踩過界》正義盲俠，王浩信飾演的角色一直討好，形象入屋之餘又密密有job接，但就令佢連家人都無時間陪，更傳出婚變疑雲！有指YoYo抱怨老公很少回家瞓覺，二人聚少離多，所以感情轉淡。
上星期YoYo在IG發布同囡囡合照，就算照片獲得逾5千 Likes，都未見老公王浩信畀反應，難免令人懷疑二人感情亮紅燈！其實，YoYo留言中「We love u!」的「u」會否就係指老公仔、爸爸，YoYo同囡囡只係想支持努力工作中的王浩信呢？不過，王浩信確實在社交平台甚少發放兩夫妻合照，對上一次已經是一年半前的事，或者今年實在太忙？
王浩信：二人「關係OK」
王浩信日前出席《群星拱照Big Big Channel》節目，大家自然都關注王氏夫妻的感情狀況，質問佢點解唔like老婆同囡囡的合照。佢接受訪問時開玩笑話：「好大鑊啊！無畀Like都係罪？」然後澄清自己事後已經補Like，希望家人原諒佢無睇到，佢又話YoYo無因此事而嬲咗佢，二人「關係OK」，多謝大家關心、提醒！
直播送禮物
王浩信曾經話鍾意到YoYo「好似上咗癮咁」，但因為工作關係，佢已經超過一星期無見過家人，而老婆同一時間要北上拍劇，夫妻之間只能一直用Message聯絡。但暖男王浩信深知自己要識做，同傳媒朋友講之後每當YoYo做直播，自己都會畀反應，送心心、送朱古力，同一時間努力買真鑽石畀老婆！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
