法與情︱播映一星期已爆棄劇潮 網民列3大死因：節奏慢到嘔
ViuTV劇集《法與情》開播一個星期，雖然第一個單元故事有陳靜Dada擔大旗兼破格素顏上陣，一度成功引起網民熱議，不過可惜無阻劇集劣評如潮的宿命，網民更列出3大死因，仲話睇TVB《新聞女王》好睇好多！
《法與情》首週劇情太爛 網民列3大死因
1. 劇情進展慢 一個單元講足一個星期
《法與情》第一個單元故事由陳靜Dada擔大旗，講述陳靜所飾演的Lisa在到櫃員機提款期間，因被一名大叔插隊，二人因此吵了起來。大叔不慎失平衡跌倒，送院後證實不治，Lisa因此被控誤殺。以一般律政劇來說，每個單元故事大多播2-3集，但今次《法與情》第一個單元故事就已經播出成個禮拜，播來播去都未播到法庭戲，令網民們都非常不滿，紛紛表示要棄劇：「睇完第4集，真係好想講粗口，標題又話『正式開審』，但成集加埋開審都唔夠10分鐘，最後分零鐘再開審，喺度誤導人」、「節奏慢到嘔」、「編劇及導演係咪新人，拍到好鬆散」、「劇情太慢喇，一個細故仔都搞5集，ViuTV啲劇又得過唔15-20集，仲要10:25就完劇，咁做法100集都唔夠做啦」等。
2. 劇情極有謬誤：TVB都唔會犯呢啲錯
有網民發現《法與情》劇情不合常理，除了有大堆對白上的錯誤，劇情上亦犯上律政劇多個最基本錯誤。網民指在劇中依然只是謝安琪助手，還沒當上大狀的芯駖，就已經單拖入監獄同Dada落口供。此外，芯駖有一幕更私自帶Dada劇中女兒入監獄見面，網民怒轟以上劇情不合理，就連TVB都唔會犯的基本錯誤：「唔講法庭戲，可以錯既都錯晒。探監時可以帶電話？律師可以帶人入監獄？一個唔係正式律師嘅人單獨喺監獄同個客落口供？套劇的確好唔TVB，因為TVB都唔會犯呢啲最基本既錯！」
3. 謝安琪被批「戲屎」造型出事似大媽
主角之一的謝安琪亦被網民狠批表情太誇張，演技又未夠班；同時亦有網民指謝安琪劇中造型令她顯矮，笑指製作組有心整蠱她：「Kay的西裝闊褲令佢顯矮，果然完全唔抄當年大台壹號皇庭那種型仔律師大狀造型。Kay 今次的造型真係似有心整蠱佢」、「點解謝安琪整完容，咩角度都係扁口扁面，已經打咗蘋果肌又打咗蝦餃下巴，但正面睇落去都係扁口扁面」、「咩角度都好乸奇怪」、「謝安琪表情誇張到癡線」、「戲屎到咁，真係睇到唔想睇」等。
謝安琪出道以來只不過2次劇，包括第1次在2014年以客串身份演出的TVB劇集《老表，你好hea！》，第2套就是2016年的TVB時裝奇幻驚悚劇《殭》。演出經驗並不豐富的謝安琪當時擔正做《殭》女一，被外界批評演技差兼造作劣評四起，如今再度挑戰做女主角，事隔7年演技沒有太大進步，亦是網民不能接受的原因之一。
網民都話謝安琪表情太浮誇！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
