「歡喜哥」其實是柔情鐵漢！ 許紹雄一家三口親密溫馨

Source : Sunday Kiss | Edit：Arika| Photo：benz_hui、charmainexhui、TVB劇照、新傳媒資料庫

許紹雄再演「歡喜哥」

2014年許紹雄憑「歡喜哥」一角獲頒「最受歡迎電視男角色」，實力不容小覷。今次《使徒行者2》首集「歡喜哥」就失去咗愛妻，將情深嘅特質演得淋漓盡致。接下來嘅劇情令人期待！

銀婚紀念 一家三口慶祝

許紹雄日前喺社交網站上傳相片同大家分享佢同太太銀婚嘅喜悅，銀婚當日佢哋帶埋囡囡去餐廳食飯慶祝。結婚25年，囡囡Charmaine都已經長大成人啦！當年囡囡高中畢業好似只係昨日嘅事咁！

雖然許紹雄同太太遲婚，與囡囡年齡相差達50年，不過兩父女無代溝，一家三口經常一齊親子樂。

許紹雄仲會同囡囡二人世界，一齊去睇戲食爆谷，好似小情侶一樣！

囡囡經常喺社交網站公開大讚爸爸媽媽，睇嚟一家三口感情十分好！

囡囡雖然喺外國留學，但每年新年都會返香港同屋企人過年！

囡囡仲好搞鬼咁放咗爸爸媽媽嘅舊照上社交網站，閃死人咩！

2014年時，許紹雄憑《使徒行者》「歡喜哥」一角獲頒「最受歡迎電視男角色」，爸爸攞獎囡囡當然開心埋一份，仲多謝觀眾支持爸爸！

傳統家庭 男主外 女主外

Benz雄畀人嘅感覺係風趣幽默，但其實Benz雄一家係非常傳統嘅家庭，由太太負責去教育囡囡，Benz雄負責返工養家。 許紹雄 太太用「由緊到鬆」嘅教育方式去教導囡囡，佢哋認為小朋友細個有太多唔知，唔清楚嘅事，如果唔畀個框架佢哋，小朋友就會感到混亂。許紹雄太太接受訪問時提到：「以我一對子女為例，我好注重佢哋嘅禮貌，會要求佢哋尊重別人，例如佢哋細個食飯時間一定要乖乖地食完飯先可以離開飯枱，唔可以食兩啖就走開，食兩啖又去玩。」佢表示太太嘅教育好成功，即使囡囡已經大個女，依然會同媽咪傾心事，分享自己所見所聞，喺而家嘅社會，其實好難得。

「young man」秘訣 緊貼潮流

Benz雄從事演藝事業多年，甚少去應酬，拍攝完就會返屋企。囡囡曾經喺訪問表示爸爸吸煙會被自己罰錢，所以爸爸依家少咗吸煙。咁聽囡囡話，果然係廿四孝爸爸！Benz雄仲話因為囡囡嘅監管，而家做任何事都會適可而止。好多上咗年紀嘅人都唔願意接受新事物，Benz雄就唔係咁諗。佢喺訪問表示「Whatsapp好方便」，可以慳番長途電話費等囡囡用語音短訊聯絡。囡囡仲幫佢登記咗Instagram帳號添！果然緊貼潮流！