43歲林峯素顏「佬味十足」竟撞樣歌神張學友 網民反應兩極！
43歲林峯近年主攻內地工作搵人仔，去年參加《披荊斬棘2》後成功爆紅，於是全家移居上海方便工作。近日通關，林峯難得回港探親，並與多位娛樂圈好友見面，有關的合照在小紅書流出，而林峯從前小鮮肉顏值添加了幾成「佬味」撞樣歌神張學友。
林峯慘被好友出賣 上載合照撞樣張學友
林峯難得回港與好友吳卓羲相聚，自然感到興奮搭膊頭影相，惟隨後有人將合照上載到小紅書，沒想到林峯素顏的樣子有幾分似張學友引來熱討！林峯近年決心走型格中佬路線，留住中分嘅長髮，鬚根遍布滿面，完全擺脫以前嘅青靚白淨，成功變成「型佬」。
不過亦有不少網民指照片中林峯樣貌明顯滄桑，同以前無綫年代的小鮮肉形象，完全判若兩人。不過林峯似乎當日不在狀態，在未有化妝之下，顯得眼腫面脹，髮線仲疑似向後移，難怪網民都認為林峯近年顏值跌入谷底，更有人直指其外貌，同街邊阿叔無分別，還直接反問林峯：「你這髮型是真的嗎？」
林峯髮線一早疑似嚴重後移？ 粉絲擔憂！
早前為了拍電影《九龍城寨・圍城》，林峯需撇甩妻女數月隻身留港，不過他似乎不愁寂寞。較早前與一班無綫舊友如吳卓羲、徐榮、堂妹林夏薇等打邊爐，穿著黑衫黑褲的林峯，難得脫下近月幾乎不離身的帽子，卻驚現「清裝頭」，髮移疑似嚴重後移！加上曬得黝黑的膚色，特別顯得憔悴像是老了幾歲，粉絲見狀紛紛留言表示擔憂，更有人驚呼林峯像「70歲大爺」！不過，其實此乃戲中造型，特別將髮型梳all back，顯得更老成。
林峯難得回港過年 一家大細探訪迪士尼勁興奮
林峯今次難得回港，除咗同吳卓羲搭晒膊頭影相外，據知飯局現場仲有謝天華同蔡一智。而謝天華亦有在小紅書上載感言，指難得同舊朋友相聚感到開心。
除咗見返舊朋友，林峯亦有帶家人到訪香港迪士尼，將點滴上載到小紅書分享。佢哋一家三口加朋友戴住口罩合照，但依然清楚見到林峯笑到四萬咁口，睇來林峯好享受同老婆仔仔一齊嘅時光！
林峯即將演出重頭劇《家族繼承者》 誓與香港觀眾再見面
去年翡翠台劇集《家族榮耀》掀起追劇熱潮，最高收視達28.6點，成為全港冠軍認真厲害！據知劇集將會添食，開拍續集《家族繼承者》。林峯將會有份擔正演出，劇集監製梁家樹亦有承認消息，睇嚟林峯將會好快再同香港觀眾見面！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
