朱智賢靚樣再進化連親生父都認不出「完全係兩個人嚟」

Q: 朱智賢曾解釋變樣原因？

朱智賢曾接受傳媒訪問解釋那時的她只有十幾歲，唔係好識化妝，她深信很多人十幾二十年前後個樣都會有分別，加上她25歲時... 詳情請看

Q: 朱智賢父母點形容佢素顏樣貌？

朱智賢曾表示其父見到都話佢化妝前後完全係兩個人嚟，而媽媽就叫佢無化妝唔好... 詳情請看

Sep 30 2022

朱智賢(Ashley)參選《2013年度香港小姐競選》後晉身娛樂圈，該屆分別由陳凱琳、蔡思貝及劉佩玥奪得冠亞軍，而落選的朱智賢在偷食事件前一直都發展順利，經過後山偷食蛋糕後鮮有在幕前演出，即使拍劇都是當二、三線角色。最近朱智賢盛裝出席《2022年香港小姐競選》，並在其個人社交網分享靚相，卻被網民質疑「同以前差好遠」，再惹變樣疑雲！

朱智賢靚樣再進化生父都認不出「完全係兩個人嚟」

《2022年香港小姐競選》於25號晚圓滿結束，最後由星二代林鈺洧摘下冠軍，當晚朱智賢接受傳媒時表示，想當年自己參選時又蠢又純，完全唔識表現自己，又怕醜，錯過了很多表現自己的機會，現在見到班師妹好犀利。

朱智賢靚樣朱智賢朱智賢以Cool樣現身《2022年香港小姐競選》，嘩！驟眼睇以為是葉翠翠。 — 朱智賢以Cool樣現身《2022年香港小姐競選》，嘩！驟眼睇以為是葉翠翠。(圖片來源：IG@ashley_ellabel)

朱智賢笑言當年參選時已經腳震，又要著高踭鞋，好驚會仆低，今次有機會能夠踏上紅館這個舞台相當榮幸。

朱智賢靚樣朱智賢身穿超高叉設計大晒白滑美腿晚裝，仍轉移不到視線，被網民發現朱智賢又變樣。 — 身穿超高叉設計大晒白滑美腿晚裝，仍轉移不到視線，被網民發現朱智賢又變樣。(圖片來源：IG@ashley_ellabel)

朱智賢靚樣朱智賢參加港姐入行前的朱智賢是名空姐，她解釋因為當時貪靚去箍牙，所以個樣同今日比真係差好遠。 — 參加港姐入行前的朱智賢是名空姐，她解釋因為當時貪靚去箍牙，所以個樣同今日比真係差好遠。(圖片來源：IG@ashley_ellabel)

朱智賢IG分享靚相

當晚打扮靚靚出席的朱智賢，以一身仙氣十足的白色晚裝示人，裙子設計特別，超高叉設計大晒白滑美腿，外面再披上一層雪紡，相當性感吸睛！其後朱智賢更在IG哂出一系列的靚相，並寫上：「人生能夠有機會踏上紅館舞台係一種榮幸」，不少粉絲都留言大讚朱智賢的打扮十分性感迷人，寫下：「朱朱好靚好高貴」、「長腿女神朱朱靚爆鏡有仙氣」、「晚裝太適合你」等，更有網民留言指「靚過冠軍」、「靚過哂參選D港姐」。

朱智賢靚樣朱智賢朱智賢入行前的空姐look，外貌被指與現時差別甚大。 — 朱智賢入行前的空姐look，外貌被指與現時差別甚大。（圖片來源：新傳媒資料庫）

朱智賢靚樣朱智賢雖然再被指個樣唔同，但朱智賢仍十分正能量，仲留言多謝化妝師。 — 雖然再被指個樣唔同，但朱智賢仍十分正能量，仲留言多謝化妝師。(圖片來源：IG@ashley_ellabel)

朱智賢靚樣朱智賢朱智賢2.0一出，即被網民大讚：「靚過冠軍」。 — 朱智賢2.0一出，即被網民大讚：「靚過冠軍」。(圖片來源：IG@ashley_ellabel)

網民認不出是同一個人

不過也有網民認為朱智賢的靚樣比起以前愈來愈精緻，五官輪廓愈來愈立體，幾乎認不出是同一個人，真係有幾分似葉翠翠，網民留言「真係同一個人？」、「同以前差好遠」、「又進化了？」朱智賢自入行以來，已不只一次被傳愈來愈靚，曾經流出一張她的陳年舊照，樣子及身材亦和現在有很大分別，當時她的臉比較闊、鼻比較扁而且是單眼皮，身形更是平平無奇，反而現在鼻樑又高又挺，眼睛明顯是雙眼皮。

朱智賢靚樣朱智賢睇真啲，朱智賢2.0進化咗樣貌十分精緻！ — 睇真啲，朱智賢2.0進化咗樣貌十分精緻！(圖片來源：IG@ashley_ellabel)

朱智賢靚樣朱智賢和狗狗一起在影樓影靚相相，朱智賢扮Q都好可愛。如果不是由朱智賢自己貼相在IG分享，真係估不到相中人是她。 — 和狗狗一起在影樓影靚相相，朱智賢扮Q都好可愛。如果不是由朱智賢自己貼相在IG分享，真係估不到相中人是她。(圖片來源：IG@ashley_ellabel)

朱智賢從不考慮微調外貌

朱智賢曾接受傳媒訪問解釋那時的她只有十幾歲，唔係好識化妝，她深信很多人十幾二十年前後個樣都會有分別，加上她25歲時有箍過牙，當時總共剝了8隻牙，所以前後個樣都會唔同。朱智賢坦言自己從不考慮去執樣，即使打針微調亦不會，她覺得會好唔自然，自己亦崇尚自然美。對被指現時樣貌變靚不少，朱智賢笑言其實大家無見過她無化妝個樣，只係化妝後真係靚好多，她自己都好驚別人見到自己素顏，因為見過的人反應都好驚訝，就連其父見到都話『嘩，阿妹，你化妝前後完全係兩個人嚟』，其母還叫她『你無化妝唔好出街嚇人』，所以朱智賢甚少素顏示人。