講你都唔信｜曾志偉事隔5年出山主持！被爆一招力捧新愛將波波黃婧靈
曾志偉上年回歸無綫後計劃多多，主持多年綜藝節目《獎門人》的曾志偉今年決定再出山主持全新遊戲節目《講你都唔信》，還找來老拍檔錢嘉樂。而《講你都唔信》首集嘉賓即找來曾志偉新愛將波波黃婧靈，看來身為高層的曾志偉決定出招力捧她！
《講你都唔信》曾志偉事隔5年出山主持波波黃婧靈成首集嘉賓
曾志偉相隔五年出山，主持全新遊戲節目《講你都唔信》，將於下周一起十時半首播！曾志偉日前率領主持錢嘉樂、丁子朗、林秀怡以及嘉賓波波、莊思敏進行拜神儀式。 首集嘉賓有曾志偉愛將波波，她以超緊身背心現身，企正曾志偉側邊大合照，成功搶晒鏡﹗
波波黃婧靈取代JJ「啜波波」？
曾志偉同錢嘉樂呢個組合，好難唔令大家想起《獎門人》，首集搵波波打響頭炮，網民即追問是否有意搵「新一代性女」之稱的波波，去取代當年玩「啜波波」JJ（賈曉晨）？波波接受無綫娛樂台訪問時，表示擔任嘉賓所以唔會太緊張，會以輕鬆心情去玩，更笑指男人最叻講大話，怕玩遊戲時遇到男對手會被騙，但未有透露遊戲詳情！
曾志偉點名波波 全場起哄
曾志偉曾踩場《後生仔》錄影廠，當時陸浩明、馮盈盈、林穎彤自我介紹後，馮盈盈指住黃凱儀話：「佢係波波呀﹗」曾志偉隨即笑晒口，陸浩明又叫後生仔主持快啲向獎門人自我介紹，芷茵介紹完自己後，曾志偉不耐煩話：「唔使啦﹗我點都唔會記得你哋個名﹗」然後搞笑地自我介紹：「大家好﹗ 我係志偉，我第一次嚟咁受歡迎嘅波波節目。」之後被後生仔主持點解會入TVB做高層時，曾志偉就話:「有機會坐港姐冠軍同波波旁邊。」波波紅都面晒，能得到獎門人點名，明顯最得對方歡心，得寵指數勁高，有前途！
曾志偉：唔想畀人話用《獎門人》去打人
曾志偉接受傳媒訪問時，被問到近來無綫綜藝收視未如理想，是否出山救收視？佢就話係「救自己」，自己都好想再出動主持綜藝節目，又指唔擔心收視，因為疫情個個留家，無綫收視一直唔錯，笑指只怕自己拉低收視。曾志偉透露之前有意再搞《獎門人》 ：「但係唔想畀人話用《獎門人》去打人﹗」才把計劃擱置，但適逢今年無綫55周年，《獎門人》25周年，有意再搞《獎門人》同大家集體回憶﹗
曾志偉回應「閉環式」拍攝：好多人報名
曾志偉回應最近傳出無綫有意「閉環式」拍攝三星期時，指因有禁足、封城的傳聞，娛樂機構要如常提供娛樂給大家，所以擬定一系列電視城的準備，他亦「身先士卒」第一個參加，但由於香港暫時仍未「禁足」，這次「出山」主持就當是預演，曾志偉話：「等大家習慣吓先，好多人報名，節目會有唔同主持同嘉賓，暫定拍三星期﹗」，對於傳聞指「閉環式」拍攝8個節目，曾志偉表示原定唔止8個，推行與否要視乎政府政策﹗曾志偉又指本來已安排在露天停車場設置大型帳篷，分開男女，供員工休息﹗問到有否獨立私人空間？曾志偉指可以在內放小帳篷，又指天氣回暖，唔怕風吹兩打﹗
曾志偉認無綫有500人確診
曾志偉又指「閉環式」原計劃約12人，以司儀為主，又指好多人報名﹗對於有傳無綫有500人 確診，曾志偉證實消息，並指這個數字跟政府指約七個人有一個人相若，公司約有三千多人，他指佔很少部份是在電視城染疫，原定劇組停廠至本月20號的安排，曾志偉透露並非所有劇可以復工，但絕不擔心存貨量，因為公司好多貨咁話﹗
曾志偉又擺馮盈盈、江嘉敏上枱？
曾志偉的新節目《講你都唔信》一共有九集，除了鐵膽錢嘉樂和曾志偉外，據知主持還有馮盈盈、鄭衍峰、丁子朗、方紹聰、江嘉敏、林秀怡等，每集安排三組嘉賓亮相，嘉賓需要猜出誰人是說假話。最近傳出馮盈盈唔聽話被掟入雪櫃，今次解凍全靠曾經理，曾志偉承認是他去搵馮盈盈主持﹗而馮盈盈死對頭江嘉敏都有份，未知會否又安排一起增加節目話題及效果﹗
曾志偉出山主持什麼新節目？
曾志偉主持全新遊戲節目《講你都唔信》，一共有九集，將於下周一起十時半首播，嘉賓需要猜出誰人是說假話，首集嘉賓就有曾志偉愛將波波… 詳情請看
曾志偉為什麼被指愛將是波波黃婧靈？
曾志偉曾踩場《後生仔》錄影廠，曾笑晒口點名話記得波波，更指《後生仔》係「波波節目」，更指入TVB做高層全因… 詳情請看
