新世代幸福人妻四大穿著指標

Text|Lucas Tang

近代人妻除了入得廚房，出得廳堂，仲有乜嘢可以get the perfect score呢？女星們作為不少女性的role model，在事業取得成就的同時，亦不忘做好人妻的角色。唔想婚後俾人當師奶看待，就馬上洗心革面參詳以下幸福人妻的四大指標吧！

 
1)淑女打扮 持家look
一眾女神嫁得如意郎君，形象上齊齊改革，楊冪、Angelababy、昆凌不約而同從以往甜美公主look，改穿大方成熟的套裝、及膝裙，時尚旺夫相，看似持家有道，唔打得都睇得。

Next Page-大肚keep住瘦 羡煞旁人

2)大肚keep住瘦 羡煞旁人
女人最令人羡煞的一刻，應該是十月懷胎旁人依然看不出個肚，四肢分分鐘仲瘦過做女嗰陣。別人總是說這是基因冇得比，其實你又何嘗知道這些媽媽們要忍住對麵包、甜品的craving，跟足營養師的嚴謹餐單，才能修成正果，要靚其實是要付出的。大肚時要穿得時尚，可挑高腰線的剪裁摭肚。

Next Page-勤運動 保最佳狀態

3)勤運動 保最佳狀態
如果有人告訴你有「幸福肥」，那只是個美麗的謊言，真正幸福的人妻當然要有空餘時間運動keep fit。健康地美一生，更能保鮮婚姻。新季盛行運動風，以sport bra當cropped top襯衫最有態度，姊妹們記得練多啲core training呀！

Next Page-間中性感 艷驚四座

4)間中性感 艷驚四座
Keep fit完莫浪費姣好身材，在重要場合偶爾騷本錢，以行動力證人妻的魅力與自信。新季強烈推介利落吊帶slip dress或型格cut out dress，充滿摩登氣息。