戀愛Staycation第二季參賽者背景曝光：Catrina玩過《全民造星》、A0混血兒
《戀愛Staycation》第二季有全新的4男4女參賽者，男生方面傾向陽光運動型，女生則各有特色，當中更有參賽者曾兩度參加《全民造星》，他們又能擦出愛火花嗎？
《戀愛Staycation》第二季參賽者背景曝光
《戀愛Staycation》參賽者1.HeiHei彭泳熙－32E電競主播
彭泳熙（HeiHei）網名叫月巴女子，IG有1.7萬followers，牌面上係第二季人氣最高女參賽者。身高只有156cm嘅彭泳熙平時除咗會直播打機片段，偶然仲會cosplay大曬32E嬌人身形。
HeiHei獨家訪問
《戀愛Staycation》參賽者2.Sophia Chiu-港女芝芝
Sophia同時下港女基本上可以畫一個等號，鍾意去迪士尼自拍，又鐘意食好西打卡。平時著到密密實實嘅Sophia，Instagram而家只係得978個Followers，不過睇真少少，身形好似唔錯喎。
《戀愛Staycation》參賽者3. 洛妍－日系女生
洛妍青春無敵，有時會接job影硬照， Instagram成個版面都係日系小清新風格，外表十足鄰家女孩咁。淨睇相會覺得洛妍好小鳥衣人，啱唔啱你口味？
《戀愛Staycation》參賽者4. 梁式昕（Catrina）－兩屆《全民造星》參賽者
梁式昕（Catrina）現年28歲，為天下一將士藝人，2020年同2021年參加過《全民造星III&IV》有豐富舞台經驗，參與過余香凝《無得比》MV，又上過《Chill Club》唱歌，同時亦係一位女模特兒，IG有八千幾Follower。另外，梁式昕畢業於美國布里斯托大學音樂系，擁八級鋼琴資格。
Catrina梁式昕多才多藝 對結識異性有冇幫助？
《戀愛Staycation》參賽者5. Jacky－外向行山西裝男
Jacky性格外向，Instagram十居其九都係行山、做運動同旅行相，見多識廣嘅cclok睇嚟有唔少話題都啱傾，可以同陌生人慢慢吹水。
《戀愛Staycation》參賽者6.Thomas－唯一非肌肉男
Thomas絕對稱唔上係肌肉男，但擁有精緻面孔，Instagram相表情同動作多多，一定好識氹女仔開心。
《戀愛Staycation》參賽者7.周文豪（Sunny） －爆肌健身模特兒
周文豪（Sunny）今年30歲，身高有184cm，有搞素食雪糕店等小生意，亦有做兼職Model。擁六嚿腹肌嘅Sunny平時最愛做運動同健身，對自己身形非常有自信，更參加過健美比賽。
《戀愛Staycation》參賽者8.Cyrus Leung－陽光味健身教練
Cyrus leung外表成熟，係一位健身教練，同周文豪（Sunny）一樣都係爆肌男，玩滑水嗰陣魅力十足，有冇機會吸引到4位年輕後生女？
睇更多《戀愛staycation》第二季精采預告相
參賽者HeiHei彭泳熙大講參賽原因？
彭泳熙得知ViuTV招募《戀愛Staycation》參賽者立即報名，指好似幾好玩，自己嘅戀愛經驗都唔係太過開心，好多都不愉快收場，所以對自己…詳情請看
《戀愛Staycation》以外，仲有咩劇集將上演？
以籃球為主題的劇集《季前賽》中，姜濤將與隊友Ian陳卓賢及Edan呂爵安演出，如同真人版《男兒當入樽》，令人十分期待，將在…詳情請看
