愛回家｜落選港姐王嘉慧極高學歷兼有富爸爸撐腰 入劇組被捧紅 同屆亞軍慘變路人甲！
無綫長壽處境劇《愛回家之開心速遞》經常都會有新面孔加入，最近落選港姐王嘉慧以高姿態進場，不過明顯她的戲份比應屆港姐亞軍梁凱晴起重，全因她有高學歷兼有富爸爸撐腰！
落選港姐王嘉慧入劇組被捧紅 同屆亞軍慘變路人甲！
王嘉慧（Cathy）嘅角色喺第1554集登場，係接龍集團市場部嘅職員Gina，仲係阿壯（焦浩軒飾演）嘅心儀對象。由於全集故事都係圍繞阿壯點樣出盡辦法追求Gina，所以每次阿壯出招後都會交代番Gina嘅反應，所以Cathy嘅戲份相當重，出場次數亦唔少。首次亮相喺《愛．回家》，網民都幾滿意Cathy嘅表現，甜美OL角色討好唔在講，而且每個鏡頭都總算交足表情，但講對白明顯好生硬，演技仲有好大進步空間。由於Cathy飾演嘅係接龍集團嘅一份子，未來相信可以造就好多出場嘅機會。
除咗演出處境景，Cathy早前亦被欽點做梁思浩回巢節目《通靈之王》嘅主持。雖然佢曾經表示第一次做主持都好緊張，不過就獲梁思浩大讚聰明，係可造之材。
睇睇王嘉慧嘅演出：
香港小姐2021 王嘉慧去年碩士畢業
現年27歲的王嘉慧（Cathy）擁有相當高學歷，初中已成功考入名校聖保羅男女中學，其後再以英國公開試GCE AL中5*成績入讀倫敦大學學院（UCL College）修讀心理學，並獲得一級榮譽及「Dean’s honour list」，這是成績前百分之五的學生才能獲得的榮譽，而她返港後再攻讀了兩年中大法律博士（Juris Doctor）碩士課程。
王嘉慧所修讀的法律博士（Juris Doctor）課程名字源於拉丁文，實質屬於碩士課程，在香港中大、城大、港大均有得讀，朱千雪在成為大律師前，就是修讀了城大的法律博士課程。
除了擁有高學歷外，原來王嘉慧的家族背景都相當勁，其父親王亞明（Jeffrey）有「內地傢俬大王」之稱，為著名傢俱公司創辦人，公司曾在美國上巿，現於東莞及香港都有公司，更擁有遍布內地、多達約300多間的加盟店。王亞明現時是東莞「中國家具博物館」館長，也是東莞市政協特聘委員，同時也擔任香港「善德基金會」副主席。
雖然有個富爸爸，但王嘉慧去年碩士畢業後，並無女承父業，也沒有從事心理或法律方面的工作，而是主力做模特兒，並考獲了健身教練牌，成為了私人健身教練，她自言希望將來開一間屬於自己的健身室，可以幫助更多人改善健康。早前王嘉慧在港姐活動上，獲頒發「健美體態佳麗」獎，她透露在港姐才藝表演上，打算做空中瑜伽表演，現時她正忙於健身，希望能趕在正式比賽前重現自己的「人魚線」和「蜜桃臀」。
梁凱晴慘做佈景板
相反，應屆亞軍梁凱晴（Carina）喺劇中暫時只係飾演「細龍生」鄭世豪背後嘅一名食客，說白點只係佈景版，相比王嘉慧可謂冇咩發揮機會。
梁凱晴同樣係高學歷港姐
梁凱晴（Carina）選港姐之前在英國薩里大學（University of Surrey）修讀Bachelor of Science的International Hospitality Management，薩里大學的酒店管理學專業在QS2020世界大學學科排名中被評為世界第8。之後在香港城市大學修讀Master of Science in Marketing，專攻市場管理範疇相關的數據分析研究。Carina笑言大學教授原本建議她繼續升讀博士課程，但因她想趁年輕嘗試其他方面發展，故毅然放棄升學選擇了參加香港小姐。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
