學《太陽的後裔》女二 短髮淡妝洗娘味

Text ｜Candy Choy

全城熱追之韓劇《太陽的後裔》個個都focus喺宋仲基嘅靚仔樣加一身肌肉上，女人睇劇睇男人好正常，但劇中嘅女二角色尹明珠（ 金智媛 ）都有令女人們議論紛紛，講佢多過講喬妹宋慧喬，點解？因為佢一頭短髮，近乎素顏嘅淡妝，加上瘦瘦嘅身形，仲要喺劇中飾演女醫官，戴住軍帽、著軍服嘅佢，真係幾有型幾有氣質喎！唔好以為今次係 金智媛 首次拍人氣劇，其實佢之前都有拍過部街知巷聞嘅劇架，睇下頁包你會講「哦～原來係佢」！

代表作原來係《繼承者們》？

咦？請問你係邊位呀？原來 金智媛 就係喺《繼承者們》入面做李敏鎬飾演嘅金歎之有名無實未婚妻劉瑞秋(Rachel)！金智媛 喺劇中嘅角色其實唔討喜，平瀏海長髮造型加上悶悶嘅性格更被賦予「鬱悶瀏海」一詞，雖然都係一個靚女，但係呢種咁鬱悶嘅樣，仲要娘娘地，真係幾靚都好，男人都怕咗佢！

微曲短髮最殺食

狠心剪咗一頭長髮嘅 金智媛 係咪即刻冇晒鬱悶，輪廓出晒又時尚咗先？中短的髮型最重要係要有空氣感，唔會太厚太累贅。想試呢個髮型，可以利用小型電棒從髮中至髮尾做出彎度，兩邊瀏海則向外捲，即事有自然鬈曲嘅柔美感覺。

為時尚雜誌《GRAZIA》影相時，髮型師利用小的平板夾為她做出內彎、外彎交錯嘅微鬈度，加上帶有光澤感卻保有硬度的髮蠟，抓出啞面質地、帶點乾燥的時尚線條感。將頭髮翹至耳後，卻刻意保留耳下的一束髮絲，能為俐落短髮保有女人味。

短髮都可以有唔同造型，好似佢幫雜誌《The Star》影嘅造型照，就似微微wet look同束起辮子，加上少少嘅空氣感瀏海，又有幾分冷艷感覺。

解構完美肌膚

金智媛 唔單只短髮夠利落有型，佢嘅完美肌膚同似有還無嘅裸妝都令佢嘅顏值大大升高，24歲嘅佢對護膚嘅方法其實好簡單，就係保濕、保濕同保濕囉！

眼霜方面她亦會選擇具保濕成份的，希望保持眼部肌膚水潤，減低眼紋出現的機會。

淡妝是王道

劇中 金智媛 全以裸妝示人，內眼線、一字眉、自然唇色加雪白肌膚，襯返女醫官角色，又顯得佢更有氣質。