有女萬事足5位 娛圈有囡相助好爸爸

text-SundayKissphoto-SundayKiss 官方宣傳照、Facebook edit-希彤

根據《華盛頓郵報》 （The Washington Post）報道，哈佛大學商學院教授Paul Gompers及經濟學博士生Sophie Wang近日發表一項有關性別與事業的研究，主要研究對象為從事風險投資的男性，而當中一個關於育有女兒對男士事業影響的結果比較出人意表，女兒有助爸爸事業發展。

研究結果顯示，擁有女兒的父親會較為偏向聘請女性合夥人，此舉有助提升公司的財務表現。加上在以往的統計發現，風險投資事務多被定型為男性主導的行業，只有10%的公司有機會聘請女士。

但是是次研究指出，育有女兒的男性合夥人，聘請女士的機率會高24%，而且這些公司在同業「成功」的機會，包括上市、被高額收購等等的機率同時會比其他傳統男性的主導公司高出3%。簡單來說，就是育有女兒的男性多會撤除性別定型問題，令其事業更成功。

女兒的威力如此強大？！

究竟女兒的威力為何如此強大呢？該研究發現2個原因：

1. 生女兒助父親減低對性別的偏見，不分男女，聘請有助公司發展的人才，從而提升工作表現。

2. 在陪伴女兒成長的過程中，父親能有機會了解到異性的想法，因此有女兒的男性在工作時，會多聆聽不同的意見，減少作出錯誤決定的機會。

生女的爸爸充滿衝勁，睇睇以下有女萬事足5位 娛圈有囡相助好爸爸 ：

1.張繼聰

謝安琪3月尾為張繼聰誕下女兒張靖。B女還未出世時，他已表明會鼓勵女兒打籃球，繼承他做「波牛」。女兒一出世他已經急不及待與她合照又為她加了個小皇冠，又彈結他畀囡囡聽，一副有女萬事足的樣子，十分溫馨！

2.徐榮

徐榮囡囡徐心怡（包包）活潑又可愛，因演出無綫處境劇《愛．回家》馬家好一角爆紅，深受網民歡迎。早前徐榮上載了兩張與包包深情對望的照片，並留言：「坐咁近都要係（喺）電話傾有冇咁多嘢講呀」，還tag了「前世情人」的標籤，相當之溫馨！睇真啲，徐榮嘅電話套上面印有多張包包的照片，真是廿四孝老竇呀！

3.張頴康

小朋友大得快，尤其返學後轉變更大，阿康已不捨得女兒長大，「佢依家每日學嘅嘢好似倍增咁，未返學前睇住佢學爬、學行、識叫爸爸媽媽、學識食飯，呢啲都係慢慢學習，但佢一返學講嘢多咗，突然可以成句咁講嘢，真係可以大得咁快。」麥雅緻啱啱宣布陀第二胎，阿康可以再體驗多次湊BB的感覺啦！

4.陸永

陸永兩個女兒陸一穎（Hannah）和陸一心（Kenzie）十分可愛，媽媽Rainah亦不時在Instagram發布囡囡的搞笑日常，亦逗得爸爸很開心呢！雖然陸永工作繁忙，不能經常陪伴女兒，但女兒對爸爸一樣十分癡纏，每次爸爸要到外地公幹也捨不得讓他走呢！

5. Bob

養小朋友係一個好大壓力嘅事，何況係4個小朋友。 Bob 就話，作為老公有時返到去，屋企人已經瞓晒，打開房門，見到三個女瞓到好冧、老婆好歎咁，就覺得，作為老公、爸爸，令到佢哋有開心、舒適生活，自己都會感動。

其實以前都有唔少研究指出，「女兒」對父親有好多唔同的影響，例如他們會比較支持兩性平等、傾向支持自由派的政策等等，但係就好少有關於事業的研究。今次哈佛大學呢個報告研究對象雖然只係集中喺風險投資呢個行業，但係相信參考價值很高，從事其他行業的爸爸不妨參考一下。