女神封盤 朱千雪 開腔認定醫生男友
TVB一班處女黨李亞男、鍾嘉欣、王君馨紛紛嫁人，最近就連女神 朱千雪 亦被踢爆名花有主，有個在澳洲讀醫的男友Justin Ng，一直只表示與男方了解中的她，就向本刊獨家開腔，確認醫生男友地位：「我會結婚嘅！」 朱千雪 更大讚男友：「佢係好男仔嚟！」女神宣布封盤，今次宅男們真是「喊出嚟」啦！
原文：東方新地｜photo：東方新地、新傳媒資料庫
朱千雪 醫生男友門當戶對
12年港姐季軍 朱千雪 ，有樣有家底兼有學歷，身邊不乏追求者，不過，近日千雪BB就被爆有個在澳洲讀醫的男友Justin Ng，男方同樣家底豐厚，父親是老牌茶莊「祺棧茶行」老闆，五年前更在香格里拉集團做執行董事，與千雪BB屋企人是世交，可謂門當戶對！據知千雪BB同Justin認識了很久，她不時會趁放假飛去澳洲探 醫生男友 ，和男友屋企人一樣十分「friend底」，吳父也認定了千雪BB是新抱仔，經常希望仔仔可以快點娶女神入門！
朱千雪 近日為美容院擔任代言人，日前就專誠去做脫毛妝扮，蜜運中的千雪BB，不知是否因為心情靚胃口好了，近日就心曠體胖，連塊面都圓碌碌。雖然有家底，但千雪BB生活很平實，去完美容院脫毛，就去超市買飲品！
朱千雪近日為美容院擔任代言人，日前就專誠去做脫毛扮靚！
從背後看，千雪BB真是多了點幸福肥！
大方談 醫生男友 朱千雪：我會結婚!
朱千雪 接受本刊記者訪問，被問到有沒有拍拖，佢說感情事就順其自然，但現在時間不夠，見面和拍拖都要遷就時間。提到她有位醫生男友Justin Ng，千雪BB甜笑承認：「開名呀！ Justin係好男仔嚟嘅！(做醫生？)係！佢好忙！我都好忙！順其自然啦！(合唔合你杯茶？)合拍嘅！(有冇見家長？)我哋識咗好多年，係family friend嚟！見佢屋企人仲多過見佢！識咗好多好多年，所以先會熟嘅！(幾時會結婚呀？)我會結婚嘅！但唔會諗幾時囉！」首度開腔確認 醫生男友 地位！
唔恨做一姐
相對讀醫科男友， 千雪BB 學歷絕不輸蝕，早年在加拿大留學畢業於菲沙大學商業和傳理系，返香港再在中文大學完成企業傳播社會科學系的碩士課程，但千雪BB仍好學不倦，更選擇放棄被力捧向無缐請長假讀書。
近日熱播的《踩過界》，結局篇已播到高潮位，千雪BB飾演的王浩信前度，更會被劇中父親槍殺，令到「盲俠」傷心爆哭！不過劇集播完，千雪BB亦會回歸校園。在九月開學前，就和放暑假中的男友Justin一齊飛到新加坡玩。不過，女神將戀情低調處理，不在IG放男友相，反而放和兩位小朋友的合照。
手持兩層樓
條件超晒班的千雪BB當然不憂嫁，讀Law一年期間，就有不少男同學埋身，但千雪BB就一條心，與醫生男友Justin秘密拍拖已經五年，令一班兵仔無功而回。不願做無線一姐，千雪BB其實一早大把在手， 19歲時，從商的父親已經送了兩層合共價值2千萬的藍灣半島和愉景灣單位給她，絕對是女筍盤，看來醫生男友都要睇實一點才行！
朱千雪屢次被讚親民？
日前，有網民在溫哥華偶遇朱千雪，指當天朱千雪正和幾名友人同行被樓主發現，於是樓主便怯怯地上前詢問，之後朱千雪做出一親民行為。
朱千雪與老公門當戶對？
朱千雪具有女神6大「完美特質」，因而成功將家底豐厚醫生老公收服，曾分享過他們的浪漫相識過程。
