15位女星短boots示範塑造超長美腿比例：連詩雅show白滑美腿、湯洛雯著出冬日感覺！

原文刊登於：東方新地｜圖片：東方新地

15位女星短boots示範塑造超長美腿比例

李佳芯

轉涼幾日又話回暖，啱啱暖番又話下周降溫，佳芯BB用春裝襯短boots著出仙氣同暖意。

張曦雯

短 boots 最大優點係任何身材都能輕易駕馭到，好似衣架身形仲有對大長腿嘅張曦雯，著上身更顯得修長又有氣質。

黃智雯

就快過37歲生日，黃智雯愈大愈有韻味和氣質，長裙加上黑色短boots 嘅配搭最適合佢。

何依婷

出道三年即被無綫重點培育做大騷司儀，26歲何依婷除咗成熟穩重大方一面，轉裝換上短裙短boots，即時充滿少女感。

陳詩欣

27歲陳詩欣最煞食就係招牌甜美笑容，呢個最佳示範話你知，嬌小玲瓏身材可以靠有踭短boots拉長晒！

蔡嘉欣

做kol出身，蔡嘉欣去到邊都不忘悉心打扮一番，再打卡po上網吸like兼慰藉吓班粉絲，全身裝束由頭到腳同環境都真係襯過晒！

唐詩詠

在新戲 《阿索的故事》中演技大爆發，備受影評人讚賞，其實唐詩詠做戲同穿衣一樣，可塑性極高。

陳凱琳

兩子之母陳凱琳上岸上得早啫，其實今年都只不過係29歲，T-shirt 短裙再加短 boots，少女味出晒嚟！

湯洛雯

呢條絨褲近期成為靚湯大愛，見佢唔係第一次著，不過襯埋對短boots整體感覺煥然一新，仲好有冬日聖誕feel。

蔡思貝

已經成為當家花旦，愈來愈有大將之風，蔡思貝呢個短 boots配搭保暖之餘仲好有台型。

連詩雅

近年除咗拍劇入屋，仲成為廣大女網民嘅美容健身指標，連詩雅身形fit 到漏，看似隨意一身配搭，卻突出其高䠷身材和白滑長腿。

陳瀅

外形甜美，不過身形微胖又唔高，呢個角度加埋呢個配搭，再加上對畫龍點睛拉高身材嘅 boots，即刻英咗又型咗。

戴祖儀

25歲戴祖儀青春無敵自信爆棚，黑色連身裙配上黑色 boots 再加上甜美笑容，證明一身黑色都可以暖洋洋，用笑容感染人。

鄺潔楹

又係嬌滴滴細細粒代表，鄺潔楹呢個秋冬，經常見佢著住呢對短 boots，可愛得嚟仲好有型格。

邵珮詩

14年港姐冠軍邵珮詩雖然卸任多年，不過冠軍人馬自信同氣場都仲喺度，鮮橙上衣配搭黑色短boots勁sharp醒！