王菲前經理人寸爆 城城結婚 ：下次結婚記住請我！
今次城城結婚，真係引嚟「全城恭賀」51歲郭富城與29歲方媛昨日於半島酒店舉行婚宴，正式拉埋天窗，新娘子方媛無論着上裙褂還是婚紗都難掩肚凸凸，懷孕兩個月的傳聞似層層，雙喜臨門！雖然唔少人都紛紛對城城送上祝福，不過都有人選擇送上另類的「恭喜」，講緊的是王菲前經理人、台灣知名製作人 邱瓈寬 ！到底佢點樣「恭喜」城城呢？
王菲前經理人寸爆！ 城城結婚 有下次
城城與方媛早前被爆於今年3月4日已在港入紙註冊，而昨日就突然爆出在半島酒店舉行婚宴的消息，傳媒得悉蜂擁而至。但新郎新娘唔希望太張揚，所以婚宴規模唔大，只係邀請雙方家人及少數圈中人出席。
城城縱橫娛樂圈多年，人緣咁廣，又真係好難請得晒咁多人！所以昨晚出席的少數圈中人都係與城城比較要好同親密，包括經理人小美、張智霖及袁詠儀夫婦、沈嘉偉邱淑貞夫婦和大女沈月等。
天后王菲前經理人、台灣知名製作人兼導演邱瓈寛，佢同城城曾在電影《父子》中合作，今次未獲城城邀請出席婚宴，於是喺網上送上另類「祝福」：「説真的⋯結婚是好事⋯ 你結婚不請我是不是？ 好⋯ 我以後結婚也不請你！哼! 不過⋯我比較大方！還是開香檳幫你慶祝一下！下次結婚記得請我喔⋯」
雖然唔知寛姐係講笑定堅嬲，不過叫人「下次結婚」請佢，都真係好狠喎……
外父：我從小就聽你的歌長大！
根據媒體消息，於席間方媛爸情緒高漲，捉住城城手仔說：「我從小就聽你的歌長大，我現在把女兒交給你，請你好好照顧她。」
世伯呢句說話真係好真誠…
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
