周永恆9月再做爸爸 驚兩個女會唔開心
周永恆6月宣布與細她兩歲的內地女友陳𦾡奉子成婚，BB9月就會出世。周永恆日前接受訪問，說自己好緊張，有輕度產前抑鬱，但係最擔心就是兩個女兒會不開心！
撰文：Sunday Kiss 圖片：新傳媒資料室、周永恒FB、陳𦾡IG、趙頌茹IG |原文：SundayKiss |編輯：venus.y
自稱人渣 17年與阿Yu正式離婚
Roy去年底與前妻趙頌茹(Yu)正式辦好離婚手續，半年後就入紙申請再婚，未婚妻陳薇在婚事曝光後，即上載與Roy婚紗照，相中佢從後攬住Roy，甜蜜表示：「可能我揀咗一條最艱辛嘅路，但無論如何我都會喺你身邊支持你，陪住你行落去。」
如今陳薇已經大肚，預產期將會在9月4號。
驚兩個女不開心
今次接受傳媒訪問，報道指，阿Roy承認自己好自私，自己有個新家庭，不過這個事實兩個女未必會接受，仲驚兩個女會不開心，覺得自己對她們好大虧欠。但同一時間又怕對未出世囝囝，跟現任太太不公平。
訪問中，阿Roy仲話覺得自己好差，唔明點會仲有女人信自己！因為佢不單止拆散自己頭家，又涉及偷食、家暴，仲惡嚇妻女，幾乎將自己趕上絕境，但係得到現任太太嘅接納，至令佢慢慢願意面對自己。
曾經諗過自殺
據報道，阿Roy話最艱難的幾年都想過自殺，不過上到60幾樓又不敢跳落嚟； 又經常失眠，最後醫生開思覺失調藥物給他，食到個人整個人沒有了情緒。
經過咁多風風雨雨，阿Roy話而家自己已經成為一個可以重新面對自己責任嘅人。
三父女4年沒見面
報道指，阿Roy話好愛兩個女，成日都會好想見她們，但是感到很無助。更指當初明明是自己錯，就變成了感情問題。不能夠接受自己的錯，不肯面對自己，所以覺得對兩個女好大虧欠。
而且佢亦都知道自己當年行為很瘋癲，好過分，所以明白兩個女點解不想見佢。不過而家他已經知錯，始終都係父女關係，如果兩個女而家肯見佢，佢不會再逃避。更喊晒口對阿Yu同兩個女講：「對唔住！」
遲了4年的道歉 阿Yu：咁得意！？
阿Yu趙頌茹4年嚟一直獨力撫養兩個囡囡，據報道，阿Yu對於前夫阿Roy道歉，只係淡淡然講咗句：過咗4年先講呢番說話？咁得意？
而報道亦指，阿Yu兩個女都知道爸爸再婚，而家即將有個細佬，阿Yu仲話兩個女而家都大喇，很多事情都明白，都知道。對於前夫再做爸爸，阿Yu都有大方祝福對方。
阿Yu在訪問中仲提到，同阿Roy喺舊年12月已辦妥離婚，不過到現時為止，只係畀咗兩個月兩個女的生活費，受訪之後，就突然畀番之前三個月的生活費。
阿Yu話唔清楚阿Roy係咪有咩問題，就算佢有咩原因唔畀，阿Yu話都一樣會靠自己努力賺錢養兩個女。亦希望阿Roy將來，會盡作為父親的責任。
兩個女好生性
阿Yu曾在社交網站分享一件生活軼事，事緣大女信希要購買樂器，但由於只是初學的關係，所以阿Yu就問女兒希望買比較便宜還是比較貴的款式 —「平的因為希望家裡的錢會多一點」信希回答，阿Yu直言呢個答案令佢覺得女兒真的長大了，並非因為佢真係為屋企慳了錢，而是女兒的乖巧懂事才令佢最感動。
離婚後 三母女感情更好
阿Yu 2016年接受《Sunday Kiss》訪問時指，離婚的決定是經過長久以來的掙扎，因為害怕改變，害怕一個人搞不定，更擔心小朋友的成長有所缺陷，但想到若然婚姻繼續下去的話，反而對小朋友的成長有較壞影響。一切風波過後， 阿Yu有向女兒坦白一切，雖然女兒只有幾歲人仔，但也大概明白了家中發生甚麼事情，最難得是因此更增進了三母女的感情。「我每次都好坦白同佢哋講解，坦白嘅意思唔係將事情最差嘅一面話佢哋知， 而係有限度、佢哋認知範圍上面，去讓佢哋明白到父母雖然分開居住，佢哋仍然有爸爸。」
媽媽是全世界最偉大的
擔任單親媽媽是一件不容易的事， 阿Yu 覺得不論單親與否，所有媽咪都是辛苦的，偉大的。佢話：「係咪單親都係一樣咁照顧小朋友，本身我都係自己一手一腳去湊大小朋友，其實任何父母都有辛苦嘅一面，如果你要諗得好辛苦，咁好多嘢都可以好辛苦。只不過我經歷得更多，學識更多嘢，我都覺得自己有成長。」
放工回家 見到囡囡最滿足
阿Yu希望兩個囡囡喺一個開心嘅環境生活，並且希望佢哋每一刻都敢同佢傾訴，因為以往囡囡好驚同佢講心事，驚佢聽完會唔開心，但係其實佢哋唔同自己分享，反而更傷心。到依家，阿Yu表示自己對同小朋友嘅關係好有信心，因為依家睇到佢哋女兒好信任自己，每一日都充滿安全感。雖然兩個女啲吵鬧聲有時候真的令人好辛苦，但係每當阿Yu做完嘢返屋企聽到佢哋把聲，就覺得好滿足。
婚前天水圍同居
周永恒及現任太太陳薇，在5月底入紙「擬結婚通知書」中，所報地址為天水圍同一屋苑住所，Britni接受訪問時力撐Roy有才華，為人亦唔係咁壞：「其實係咪唔好將一個人曾經嘅錯誤繼續放大同標籤繼續打擊佢呢？畢竟佢真係有改變咗好多，成年人嘅問題有時真係兩個人先知，放過佢，畀多啲空間佢啦！」
曾偷食打老婆
自認係人渣嘅世紀賤男周永恒(Roy)與趙頌茹(Yu)結婚不過4年，育有2個女兒，但2014年突爆婚外情，事緣阿Yu揭發人渣偷食，小三正是Roy模特兒公司拍檔、港視小花劉依靜(Ruby)，同時二人情慾短片流出，Roy自此被封為世紀賤男。
躁底周永恒更一度動粗，出手打阿Yu，令她下巴及面部受傷須送院縫針，更登阿Yu娘家家門，吐口水及用粗口辱罵外父外母，並以WhatsApp恐嚇殺死妻女及自殺，涉嫌刑事恐嚇被拘捕，最後法庭裁定普通襲擊罪成。
嬲到爆粗
Roy偷食打老婆恐嚇咩都做齊，前年上ViuTV節目時疑不滿兩位女士不斷提及佢打老婆同有外遇等事，更嬲到爆粗起身走人！
苦等四日 嚇壞女兒
Roy仲自爆曾去過大女信希就讀的幼稚園門外苦等四日，見到女兒仲忍唔住撲過去！不過信希見到佢又好似唔係好熟咁，之後有保母將佢抱回學校，仲唔敢出嚟！轉個頭已分居的太太Yu就send message畀佢，話佢咁樣做學校會報警，但其實佢都唔知自己做錯啲咩。
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
