吳若希演唱會滯銷高EQ回應獲讚 為惹火言論澄清：大家誤會咗!

吳若希出聲數臭TVB做嘢冇錢賺

去年先續約的吳若希，早前接受艾力的網上節目《Have a nice Date》訪問宣傳演唱會時，大膽話自己做嘢係為開心，又數臭TVB做嘢冇錢賺：「你估喺TVB做嘢係為錢咩？全世界都知道TVB做嘢冇錢，仲要倒貼！」此話一出，Eric即刻擔心吳若希會否在條片出街後被雪藏，吳若希即刻入位宣傳自己演唱會，仲稱今次演唱會為「吳若希告別演唱會」，認真大膽！

事後解畫澄清並非數臭TVB：太愛公司無錢都做！

最近吳若希為了宣傳演唱會特意接受艾力的網上節目《Have a nice Date》訪問，期間突然數臭TVB指「全世界都知道TVB做嘢冇錢，仲要倒貼！」此話一出後，隨即引來一陣熱話，更引起不少媒體報導。不過日前吳若希就接受TVB娛樂新聞台訪問，親自解畫澄清這句話其實有其他意思，是大家誤會了，她回應指說「全世界都知道TVB做嘢冇錢」其實是指大家冇錢都可以返TVB，因為大家實在太愛這間公司，加上公司給予她的東西太多，更指自己在TVB上班是為了開心，而不是為了錢。

另外，吳若希則指要倒貼是真的，因為當有劇集要拍時，吳若希為了有更好的表現都會自費參加演戲班，所以才會倒貼，以求增值自己才會有好的表現。

回應下令農莊刪相一事

早年，有個叫「有機薈低碳農莊」facebook專頁，上載了一張吳若希的相片以答謝她到訪，點知卻惹起吳若希不滿，被她下令農莊刪相。吳若希在訪問中回應表示，自己並不介意普通市民私底下找自己合照，但批評該農莊唔尊重自己，自己先會咁大反應：「嗰單嘢真係弱智㗎喎，因為嗰張相相中唔止我一個人，嗰張相係我同我朋友嘅合照，佢係張合照cap出嚟嘅相，重點係我自己俾錢帶我小朋友去，我自己俾錢走入去玩㗎喎，呢個係尊重問題，你唔尊重我嘅話，Sorry，我都唔想喺你page出現。」

慶幸TVB冇畀最受歡迎女歌星：完全唔Care個獎

除此之外，主持Eric又問到吳若希有冇介意當年TVB冇俾自己「最受歡迎女歌星」，吳若希大方表示自己「完全冇介意，完全唔Care個獎。」當Eric追問點解當時宣佈得獎人係Hana菊梓喬嘅時候，吳若希要大動作嘲笑對方，吳若希就話：「我覺得好彩唔係我攞咋，開心嘅原因唔係因為佢攞，而係因為真係唔好係我攞啊。」她表示，自己曾經都攞過比較大嘅獎項，所以知道得獎後的壓力，她坦言，希望自己唱歌是為了開心，而不是因為壓力，所以奪獎與否對自己並不重要。

吳若希自爆隆胸冧老公

吳若希在接受傳媒訪問時，自嘲自己沒身材，所以兩年前曾經有準備過隆胸冧老公，但吳若希老公一直反對，直至近年，老公的態度有稍微改變，吳若希就話會馬上「坐言起行」㖭！

即睇吳若希火爆訪問：

下令農莊facebook專頁刪相

近年活躍於社交網的吳若希（Jinny），不時大方po相po片同粉絲分享。不過，有個叫「有機薈低碳農莊」facebook專頁，上載了一張Jinny的相片以答謝她到訪，並簡單表示：「多謝吳若希昨天一家大小到訪菠蘿園」，點知卻惹起Jinny不滿，更在專頁留言：「相片未經授權公開，請盡快移除」。事件即引起網友熱烈討論，紛紛圍插Jinny：「好大的官威」、「以為自己大明星？」、「人哋幫你宣傳執到啦」等等，到最後該農莊專頁將貼文刪除。

吳若希首個演唱會滯銷 被網民揶揄

吳若希早前公布，將於12月11日於麥花臣舉行首個演唱會，而同時段公開發售演唱會門票的楊千嬅亦被指門票滯銷，就連吳若希也不例外。有網民指，吳若希演唱會同樣面臨滯銷局面，還特意在貼文中貼出售票頁面之餘，更標記吳若希留言：「唔好漏咗 吳若希 Jinny」，直指吳若希演唱會滯銷，情況不理想。

吳若希高EQ回應網民：多謝你幫我宣傳

向來敢言火爆的吳若希當受到網民「挑戰」時都會忍不住反擊，不過，今次吳若希則沒有反擊，反而以超高EQ地回覆網民留言：「多謝你幫我宣傳～～係呀～大家記得支持！下星期日就係啦～～～」，引出本尊親身留言。隨即有網民指自己即刻買了兩張飛支持。其後，再有網民在社交平台上留言：「送飛都唔睇啦，唔該到時宣布埋離婚。」而吳若希也有親自回覆：「你咁期待我宣布離婚嘅？你係咪好想娶我呀？唔好啦…」這兩則回覆紛紛被網友大讚高EQ而且也獲得很多讚賞呢！

吳若希澄清演唱會銷情不錯：賣了9成飛

對於演唱會滯銷一事，吳若希則表示演唱會銷情不錯，更指賣了八、九成飛，現在只淨下平價門票未散到，但也很感謝大家幫助她宣傳演唱會活動。

另外，有關演唱會嘉賓方面，吳若希剛透露想保持神秘感，指有一名演唱會嘉賓，是一位很可愛的跳唱新人，但是細節則不便透露，但也表明想再找多一名嘉賓。同時間，被問到會否請菊梓喬，因為相比起其他公司歌手，她似乎比較空閒，而吳若希就指有考慮過找她，但是經公司問過後發現她好像不在香港，所以只好找他人。