古巨基 結婚三周年 高調放閃十指緊扣

text: SundayKiss | edit: Cherie | photo：古巨基 Facebook

結婚三周年 古巨基 罕有晒合照

逢結婚三周年，基仔連發三張相，仲寫下：「三周年，遇見彩虹，許了願。」冧死人咩！基仔同老婆喺彩虹下深情對望，畫面十分唯美！原來基仔喺周年紀念當日同樣遇見彩虹！ 深情對望都仲唔夠，要放埋十指緊扣相！

結束20年愛情長跑

古巨基 同老婆Lorraine於2014年結束長達約20年愛情長跑，並於拉斯維加斯結婚，當年成為一時熱話！原來兩人相識於唱片公司，當初Lorraine喺宣傳部工作，後來成為咗基仔嘅私人助手，日久生情之下成為咗基仔入行以嚟唯一一位女友。基仔同Lorraine多年來一直十分低調，雖然傳媒一度傳二人結婚，但基仔一直都只係回應話Lorraine係佢嘅「得力助手」。

古巨基曾經留言：「從94年我第一張唱片開始，在我工作上妳一直謹守在照顧我的崗位。然而此後，妳的未來，就讓我來好好的照顧。」結婚相特別揀喺豎立「ONE WAY」路牌前影，相信係寓意未來風雨同路，十分浪漫！

送甜品店冧老婆

古巨基喺結婚同年與老婆Lorraine喺中環開設甜品麵包店，開張當日Lorraine正式以「基嫂」身份現身，兩位面上掛住幸福笑容，羨煞旁人！甜品麵包店開張當天祝酒後二人又被記者要求合卺交杯，最後都只係碰杯，貫徹含蓄低調的作風！

低調夫婦 甚少放閃

二人婚後依舊保持低調，古巨基亦好少公開放閃，最多都係情人節當天出老婆個背影。今次大晒結婚相真係好罕見！

其實古巨基也經常公開與老婆拍住拖來工作，基仔也鬼馬地上載另類合照，一樣甜蜜得令人非常羨慕。

結婚兩周年當日亦只係上傳咗出拖手相，不過就靠文字放閃。基仔留言話：「結婚2周年。老婆：『已經兩年了⋯為甚麼我感覺還是像剛剛結婚那時的感覺呢～』我：『因為我疼妳嘍～』⋯⋯肉麻～～～」。

通常基嫂只有在朋友的大合照才會露面，難得基仔今次大方讓老婆向她示愛，相信低調的她也應該不會介意吧。