康復期近一年 劉德華 堅持12月開跨年紅館騷

回港急送院

眾所周知，華仔多年來都是某飲品品牌的代言人，繼去年遠赴泰國拍攝後，今年華仔再次去到當地郊區拍攝廣告。

但華仔在拍攝一場奔馳的動作場面時，馬匹突然發狂，令華仔不慎墮馬，傷勢嚴重。

華仔回港後由醫療專車送到養和醫院，可見佢戴上Cap帽口罩，全程眼仔睩睩，保持清醒狀態。

首披露詳情

今日早上，華仔親自在「華仔天地官網」發文，首次詳細披露傷勢及住院時間，情況頗為嚴重：「受傷地方是盆骨，多處骨折，筋腱肌肉嚴重拉傷……這幾天有完整的醫務團隊努力下，情況穩定下來！醫院估計，住院時間約6至8星期。

醫生估計，恢復的時間約6到9個月，我會完全遵從醫務團隊會診的建議！我知道你們的痛不會比我的小和少！我會靜靜的休養，快快的好起來！」住院加治療過程接近一年，華仔將會在醫院度過農曆新年，電影及演唱會等工作亦勢必受影響。

堅持開跨年騷

其實華仔今年的工作檔期已經排得密密麻麻，據知手頭上有四部電影工作，包括寰宇投資的《拆彈專家》、青春勵志片《熱血合唱團》、馮德倫執導的動作冒險片《俠盜聯盟》，還有王晶執導電影《追龍》的配音工作。相信以上幾部電影的宣傳工作，華仔都會通通缺席！

另外，已經七年未有在港舉行演唱會的華仔，原定今年年尾舉行20場跨年演唱會，雖然按照佢公布的康復進度應該可以趕及，但大家都明白演唱會需要預早多個月排練，而且華仔開騷向來不乏勁歌熱舞，劇烈動作對佢無疑係一大挑戰。但據知華仔唔想令歌迷失望，希望可以趕及12月底復出，所以未有取消紅館年尾的申請。雖然睇唔到演唱會無疑令人失望，但相信歌迷們絕對願意等待，佢哋最擔心都係偶像的健康，唔會想佢勉強自己！