撰文：venus.y ｜資料：東方新地 ｜圖片：新傳媒圖片、東星

劉德華演唱會宣布腰斬：「醫生叫我最好唔好唱喇！」

傷癒後首度開個唱的華仔，對這場演唱會非常重視。但由於受到喉嚨發炎的影響，只好宣布腰斬：「醫生建議我最好唔好唱喇！但我真係唔捨得。我唔想大家聽我呢把聲聽成個concert，但我無辦法，所以我唱埋呢隻歌《如果有一天》，要停止喇！善後嘅工作我會慢慢交代番，希望我盡最大努力唱完呢隻歌，亦都希望你哋陪我一齊唱。要同大家道歉，多謝你哋，你哋要畀多次掌聲你哋自己！」

隨後華仔唱出最後一句：「你心我心 手與手 連成一線 為你可分憂 好朋友」並雙手合十向四邊觀眾鞠躬，在場的一眾歌迷都很心疼華仔！

今次演唱會華仔一家也有到場支持，六歲囡囡向蕙樣貌清秀，全程乖巧坐在媽媽大髀上欣賞爸爸的演出，而太太朱麗倩睇得相當投入不時拍掌跟住唱﹗華仔更在台上表示：「已有八年冇聽到你哋嘅掌聲，真係有啲唔慣。」又說受傷以來，未試過花這麼多體力，雖然是傷癒後首度開個唱，華仔毫無留力，三米高台、吊高到山頂位置等做齊，睇到大家又high又驚﹗

劉德華演唱會宣布腰斬片段：

延伸閱讀：

古天樂前女友黃𨥈瑩伴他走過低潮：「我一生都不會讓人傷害她。」