全民造星5︱王君馨過檔ViuTV惹熱議 網民反應兩極！

王君馨過檔ViuTV惹熱議 網民反應兩極

前年正式離巢TVB的王君馨近年搞作多多，又上內地跳舞選秀節目，又出新歌圓歌手夢，近日仲過檔以評審身份上ViuTV《全民造星5》。第一次做《造星5》評審嘅王君馨講嘢非常客氣，就算紅組學員唱到走曬音，王君馨依然給予鼓勵，話自己睇得好投入。

網民反應兩極：佢憑咩做評判？

唔少網民都驚訝王君馨會出現於ViuTV，亦有網民質疑王君馨做評審嘅資格：「其實我唔明佢有咩資格做評判!?」、「隨時仲差過啲參加者」、「她唱歌也未能勝任，怎做評判」等。

王君馨曾在《舞動奇跡2》奪冠相當有實力

不過有網民就為王君馨平反，表示王君馨多年前已經在TVB《舞動奇跡》奪冠，又上過內地跳舞選秀節目《了不起舞社》，絕對有資格勝任評審一職。早在2008年王君馨就曾作為香港代表之一，參加過跳舞比賽真人騷《舞動奇跡》第二季，並與俞灝明拍檔奪得總冠軍，當時同屆參賽者有胡定欣、馬國明、胡杏兒等無綫藝人。

王君馨升呢《盛·舞者》導師

近年王君馨更為無綫的跳舞比賽真人騷《盛·舞者》擔任星級導師，當時她自言是一位感性的舞者，主要透過舞蹈感受情緒，並從而將之自由抒發。

小插曲：王君馨親選小鮮肉為演唱會伴舞 疑劇透《造星5》賽果？

今次上《全民造星5》除咗做評審之外，王君馨仲睇中大熱1號王鋒及18號Owen賴天恩，邀請兩位上自己首個個人演唱會擔任嘉賓。王君馨Grace將於今晚（06/08）在旺角麥花臣場館舉行首個個人演唱會《Light It Up G.Racie王君馨 1st Concert》，日前三人齊齊為演唱會作綵排，王君馨仲大讚兩人比參賽時進步咗好多！不過有網民就好奇點解王鋒同Owen兩人有時間綵排做嘉賓，懷疑王君馨是否劇透，暗示兩人已經淘汰。

王君馨為完夢 延遲生B計劃

王君馨首個個人演唱會，直言感到好大壓力，今次邀請咗七位排舞師為今次演唱會排舞，佢仲首次公開獻唱未派台新歌《fly me to you》，王君馨話首歌係紀錄佢同丈夫遠距離戀愛的溫馨甜蜜，佢亦有即席同排舞師及現場觀眾跳舞擺甫士玩遊戲。

王君馨早前受訪時說：「之前老公等咗6年唔生小朋友住，我同老公講叫佢等多兩年，我想生咗唱歌事業呢個小朋友先，嚟緊就要進行地獄式訓練，減肥keep fit兼做運動練氣。」王君馨喺訪問中透露，話自己四歲嘅時候已經夢想表演唱歌，終於等到今年開個人演唱會，非常感動。

更多：王君馨37歲圓夢舉行處女演唱會‍️‍‍ 感謝老公支持延後生B計劃

王君馨奪港姐亞軍入行

王君馨2007年獲得港姐亞軍入行，以拍劇為主。早前，王君馨穿著畢業袍站在無綫55周年布置前，宣布離巢無綫，結束與無綫14年的賓主關係。當時她曾表示：「無論係唱歌演戲跳舞，我都唔會停落嚟！因為三樣都畀到我唔同嘅挑戰同埋滿足感！」預告並非嫁人後退出娛樂圈！

曾做「打女」 形象深入民心

早幾年在TVB《鐵拳英雄》中，Grace所飾演是一名十二路譚腿的高手，小時候跟母親丁細鳳（元秋飾）及大哥步青雲（陳展鵬飾）失散，因而成為彭堅（張國強飾）兒子的未婚妻，其後更捲入黑幫大戰。

劇中各自演員都各懷絕技；陳展鵬是打八極拳、伍允龍以洪拳為主、王君馨 (Grace) 是十二路譚腿的高手、唐詩詠擅長八卦掌、姚子羚是峨嵋刺、陳山聰就是泰拳最拿手。一眾網民表示對比同劇兩名女演員唐詩詠及姚子羚之下，Grace不論動作及力度都略勝一籌。