ViuTV女團COLLAR正式出道 8人名單女團力撼聲夢女團！呢位成員入圍捱轟 花姐揭揀女唔係睇XX
ViuTV女團COLLAR今日正式出道！冠、亞、季軍Marf（邱彥筒）、Gao（沈貞巧）及Day（許軼）已穩佔女團3席位，ViuTV於今日（1月12日）正式公布女團成立，早前已有名單流出，加埋人氣王Ivy So、WINKA、芯駖、So Ching及Candy，組成8人女團，而呢位成員的入圍亦受到非議。
ViuTV女團正式出道 8人女團力撼聲夢女團！
ViuTV女團COLLAR今日正式出道，8名成員以全身Gucci現身，並宣布團名叫COLLAR。而出道成員與早前流出的女團名單完全一致，除冠、亞、季軍Marf（邱彥筒）、Gao（沈貞巧）及Day（許軼）外，還有Ivy So、WINKA、芯駖、So Ching及Candy組成8人女團，她們更於直播中即場表演出道曲兼新歌Call my name！現場亦公布了女團的首支派台歌《Call My Name》，仲話喺短短呢大半個月以嚟影埋造型照、錄新歌以及拍埋MV，認真快手！然而在短短不足半個鐘的時記者會上，COLLAR成員發言講感受的機會不多，當中So Ching更未被安排發言。
女團團名及隊徽提前曝光！ViuTV早已註冊商標
早在上月30日已在連登討論區有網民以「Viu女團名字流出？已私下註冊商標」為題發起討論，更供出多張「HK Televison」註冊商標的截圖，提前曝光女團團名為「COLLAR」之外，就連Logo都註冊埋，與MIRROR一樣是白底黑圖。
網民唔多滿意
消息未有證實前，網民對「COLLAR」以及其Logo似乎就唔多滿意，更加將「COLLAR」直譯做「衫領」，笑言她們的開場白是「大家好，我哋係領女」（MIRROR被稱為鏡仔）。而且覺得Logo太過簡陋唔美觀，仲狠批有一陣「抄襲」嘅味道。其實當年MIRROR嘅隊徽都有被指抄BTS防彈少年團，所以今次都不禁再有網友問「今次抄邊個KPOP團」。
ViuTV女團選秀騷《全民造星4》圓滿結束，結果都係大熱入三甲，不過都有好多受歡迎的參賽者等住被召喚成為女團的一份子。其實在正式名單未公布前，已有初步名單流出，亦好符合經理人阿Wing所講，20強會優先考慮。
網民無限推測ViuTV女團成員 8人名單提前流出！
有傳經過內部商議，女團只會得8人，除Marf、Day、Gao外，WINKA（陳泳伽）、芯駖、So Ching（蘇芷晴）、Candy（王家晴）、Ivy So（蘇雅琳）都順利入團。
ViuTV女團名單好正路
睇番個名單，其實都好正路，除三甲外，第4名的芯駖（評審：16分 / 民選：17分）、第6名的So Ching（評審：12分 / 民選：16分） 、第7名的Winka （評審：15分 / 民選：10分）、第8名的Candy （評審：10分 / 民選：13分）及第11名的Ivy So（評審：5分 / 民選：15分），全部都是人氣參賽者 。
芯駖被嫌棄年紀大
不過網民似乎對芯駖能突圍而出有意見，仲話35歲的芯駖入團會拉高女團的平均年齡，網民更表示甜美之選YoYo與Ash唔入團都唔正常；而比賽以來都有話題的Win Win與CK就冇得留低，有人指出因評判謝安琪於完騷後曾自爆心水，睇好Win Win同CK是女團的上佳人選，結果慘被「燈死」！
花姐話揀女唔係睇分數
花姐早前講明揀女團不是睇分數，唔計三甲，另外盛傳入圍的5位成員都有特色，決賽當晚Win Win、CK都比Ivy So高分，但20歲的Ivy So一直都坐擁超強人氣，亦係顏值擔當，前途無限。跳舞老師芯駖靠實力，So Ching明顯有進步，至於Candy，花姐與女團經理人阿Wing早已透露係心水之選，另眼相看。
常見問題:
問: ViuTV女團COLLAR的成員有什麼人?
答: ViuTV女團COLLAR的成員有全民造星4冠、亞、季軍Marf（邱彥筒）、Gao（沈貞巧）及Day（許軼）及…詳情請看。
問: ViuTV女團 COLLAR 在直播時唱的出道曲是?
答: ViuTV女團 COLLAR 在直播時唱的出道曲是新歌Call my name。
ViuTV女團COLLAR的成員有什麼人?
ViuTV女團COLLAR的成員有全民造星4冠、亞、季軍Marf（邱彥筒）、Gao（沈貞巧）及Day（許軼）及…詳情請看。
ViuTV女團 COLLAR 在直播時唱的出道曲是?
ViuTV女團 COLLAR 在直播時唱的出道曲是新歌Call my name。
