【上輩子的情人】 意外懷孕 令浪子變好爸爸
有人結婚為生仔、有人覺得生仔痛、有人覺得生仔就會失去自由、有人唔鐘意小朋友……唔知各位又有無同另一半商量過 將來會唔會生小朋友呢？不過，無論你依一刻嘅決定係 生或者唔生都好，你要知道 有時意外嘅嘢又邊有得避免！就好似以下幾對 圈中夫妻咁，由最初大家都無意欲生小朋友，直至因為 意外懷孕 ，最後仲因為小生命而改變了佢哋嘅一生。
撰文：Jacqueline 編輯：Fiona Fong Source :SundayKiss
1 鄭中基 余思敏
鄭中基（Ronald）早前曾在演唱會上表示：「以前我從沒有想過要生小朋友，我是浪子，浪子怎會左拉右拖？當了爸爸後，經常跟導演說要開早點，才可收早回家陪孩子！」原來Ronald同余思敏本來都沒打算生小朋友，但兩人拍拖一年後，余思敏意外懷孕，誕下女兒 Emma。
上年，Ronald又在自己的Instagram宣佈老婆再次懷孕消息，於2月誕下兒子Evan。由沒想過生小孩直到最後仲湊成個「好」字，兼且願意被兩個小朋友綁住，真係估都估唔到，親情真的很神奇！自從有了兩個孩子後，二人不時在網上大曬溫情，從相片中可見，幸福兩個字離不開他們！
2 方中信 莫可欣
莫可欣曾與拍拖多年的 方中信協議：「不結婚，不生仔，只養狗仔！」可是2007年，莫可欣意外懷孕，由二人世界變成三口之家。雖然當初兩人沒有生小朋友的打算，但這次意外懷孕對兩人來說，來得突然卻又很幸福，亦正因這次意外懷孕，改變了兩人的一切。
原本兩人在拍拖期間會常常因瑣碎事而吵架，但當女兒出生後，兩人幾乎沒爭吵過。兩人更坦言女兒的出現，令他們的關係變得更親密，感情更勝從前。女兒出生後，方中信的性格和脾氣都大大轉變，變得體貼又顧家。而莫可欣更因為女兒，決定放棄幕前工作，全心全意照顧女兒。
3 陸永 RAINAH
早前糖妹在電台宣傳時透露一個秘密，原來 陸永當初係好後悔有咗小朋友！陸永當年與太太Rainah奉子成婚，本來好後悔有咗小朋友，因為佢當時事業未算十分成功，對將來亦未有充分的計劃。不過漸漸就由後悔變成無悔，最後仲生多一個！

除了浪子變好爸爸，亦有女星原本完全唔恨生B，但因為有小朋友而對家庭同人生有更正面的體會。
4 鄭希怡 梁學儲
鄭希怡（Yumiko）自從有咗女兒 梁子柔（梁浸浸）之後，網民幾乎每日都被梁浸浸的相片同影片洗版，皆因佢媽媽Yumiko好鐘意同大家分享梁浸浸的生活點滴，仲幫梁浸浸開咗個Instagram添啊！
梁浸浸眼仔睩睩加上鬈毛髮型，得意程度爆燈，人氣比媽媽更強勁，簡直人見人愛。但點都估唔到原來Yumiko本來就唔鍾意小朋友，又謂以前好怕去小朋友的生日會，逗留不足半小時就會離開，有超過五個小朋友喺自己面前跑、叫，實在太可怕。不過，梁浸浸嘅出現改變了Yumiko的價值觀，依家不止對女兒呵護備至，寵愛有加，仲話自從做咗媽媽後，明白到「有媽的孩子像個寶」，更加尊重她的母親。
5 周汶錡 JULIEN
周汶錡（Kathy）未結婚前曾表示自己不太喜歡小朋友，故將來都不打算生孩子。但由於老公Julien非常喜歡小朋友，因此想與老婆製造愛情結晶，Kathy考慮過後，覺得可以嘗試，最終於2015年宣布懷孕。
她直言：「我以前對小朋友嘅感覺一般，啲朋友抱住BB好開心，咁我就唔係好了解，好少同佢哋玩，唔會好興奮玩追逐。」但自從囝囝 Jacques出世後，令Kathy對小朋友的態度180度轉變，又謂由懷孕到依家日日都好開心，而且果份開心有增無減。見到 Kathy的Instagram，除了工作照外，幾乎全都是囝囝 Jacques，就知 Jacques地位有幾重啦！
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
