黃夏蕙宣布8月移民!黃大仙頭炷香背後感人故事+經典造型重溫
黃夏蕙「夏蕙BB」每年上頭炷香的造型都令人印象深刻,又被稱「頭炷香KOL」,不過此情或許不再,原因是黃夏蕙在6月10日宣布會於8月離開香港,不過表示無論身處世界某一個角落,都會好掛住大家。即重溫黃夏蕙十二生肖經典造型!
![黃夏蕙 「夏蕙BB」分享了一張與經理人小肥豬的合照:「一齊共同努力左十年,佢見證住我人生最低潮嗰一刻,亦在我最低潮同黑暗嘅年代,幫我重新包裝形象」。](https://imgs.orientalsunday.hk/wp-content/uploads/2022/06/285765250_7663966196979237_6862195830677991011_n_148837454162a2fb983ed6e-1024x768.jpeg)
黃夏蕙宣布離開香港
在最近一兩年,香港掀起一波移民潮,一幕幕離別的傷感每天在機場上演。但估唔到一直陪住香港人成長嘅夏蕙BB亦都選擇離開香港,6月10日早上,她突然在個人社交網站上宣布「8月我要走啦!」
由D&G事件開始,叫我關心社會事情,教我用搞笑嘅手法,與民同樂。呢段時間,雖然艱辛,不過真係好開心!無奈,我懷着好唔捨得嘅心情!我要同大家講一句,8月我要走啦!我唔知幾時可以再喺香港同大家見面!我唔知大家會唔會掛住我!此時此刻,我只會同大家講,我無論身處世界某一個角落,我都會好掛住大家!
今個月12號星期日,將會係我同經理人最後一次訪問錄影,我會好懷念呢一刻!直到永遠。
再次多謝大家,有缘再會!
![黃夏蕙 夏蕙BB已經91歲喇!](https://imgs.orientalsunday.hk/wp-content/uploads/2022/01/4354353_6073903861f406802f865.png)
黃夏蕙十二生肖經典造型重溫:
網民對黃夏蕙依依不捨
雖然黃夏蕙已年屆91歲,但她依然跟得上潮流活躍於網絡世界,又經常Cosplay,加上大是大非又會出面「抽水」,所以深受網民歡迎。對於夏蕙bb的移民決定,網民都大感不捨,表示希望她可以集齊十二生肖造型,又讚她雖然年紀大但依然行得走得好精靈,「夏蕙bb大把錢,去第二度安享晚年,祝福佢健康一輩子」、「冇得再睇佢搶頭炷香」。
![黃夏蕙 曾經同黃夏蕙一齊搶過頭炷香嘅東方昇都有向夏蕙姨表示不捨之情。](https://imgs.orientalsunday.hk/wp-content/uploads/2022/06/5f53f01d-0032-4c61-b231-fdbce7919556_45040949562a3040962add.jpeg)
再睇埋黃夏蕙其他經典造型:
黃夏蕙上頭炷香有段故
人人都可知道黃夏蕙年年都會去上頭炷香,但未必人人都知道原因。2021年的大年初一晚,黃夏蕙曾經在節目《晚吹 – 總有一瓣喺左近》分享過自己年年都準時去黃大仙上香的「個人傳統」,黃夏蕙表示,以前每年年三十晚都會相約鄧碧雲、鳳凰女及司徒關佩英到黃大仙祠上頭炷香,直至某年司徒關佩英因家中有要事不能出席,翌年更不幸離世,從此打破了四人的約定,之後鄧碧雲、鳳凰女亦因各種原因而缺席上頭炷香活動。
![黃夏蕙年年爭上頭炷香 原來係因為⋯⋯](https://imgs.orientalsunday.hk/wp-content/uploads/2021/02/01_13740379256024e46b17088.jpg)
![黃夏蕙年年爭上頭炷香 原來係因為⋯⋯](https://imgs.orientalsunday.hk/wp-content/uploads/2021/02/02_8331721436024e46d0296b.jpg)
黃夏蕙代好友每年上頭炷香
事隔多年,好友們都相繼「升仙」,只剩黃夏蕙一人每年仍然維持習慣,她說:「依家得返我一個,其實我都好驚,我每年都同黃大仙講,叫佢畀我長命啲,等我可以繼續代佢哋(好友們)拜,同埋為社會做多啲事,做到佢唔畀我做嗰時,我先唔做囉!」因為一個約定,從此成為「頭炷香KOL」。
![黃夏蕙年年爭上頭炷香 原來係因為⋯⋯](https://imgs.orientalsunday.hk/wp-content/uploads/2021/02/03_542379056024e46e9d4cb.jpg)
![黃夏蕙年年爭上頭炷香 原來係因為⋯⋯](https://imgs.orientalsunday.hk/wp-content/uploads/2021/02/08_21469535416024e476b6ca0.jpg)
![黃夏蕙年年爭上頭炷香 原來係因為⋯⋯](https://imgs.orientalsunday.hk/wp-content/uploads/2021/02/07_11189525176024e474ec79c.jpg)
![黃夏蕙年年爭上頭炷香 原來係因為⋯⋯](https://imgs.orientalsunday.hk/wp-content/uploads/2021/02/05_11304926936024e471ba80b.jpg)
黃夏蕙還有演藝工作未完成嗎?
黃夏蕙表示懷着好唔捨得嘅心情離港,唔知幾時可以再喺香港同大家見面,而她會在今個月…詳情請看
黃夏蕙每年上頭炷香原來有個感人約定?
黃夏蕙曾經分享過自己年年都準時去黃大仙上香的「個人傳統」,表示以前每年年三十晚都會相約鄧碧雲、鳳凰女及司徒關佩英到黃大仙祠上頭炷香,直至某年…詳情請看