毒舌大狀|阿Dee何啟華遇無綫採訪慘被cut走 網民:好小氣!
來到新的一年,有不少賀歲片快將推出!其中,由黃子華、何啟華、王丹妮、謝君豪、廖子妤主演的電影《毒舌大狀》,近日就進行了一系列的宣傳活動。一眾演員先後接受不同媒體的訪問,不過,在TVB的訪問中身為ViuTV藝人的何啟華Dee哥就被剪去所有鏡頭,更慘被主持無視!
阿Dee傍住子華神做宣傳
日前,由黃子華領軍的電影《毒舌大狀》舉行大型宣傳活動,身為演員之一阿Dee何啟華被子華神欽點「貼身」一齊做宣傳。無綫和子華神關係極度友好,所以,當日派出兩隊攝製隊到場採訪,分別在《TVB娛樂新聞台》和《東張+》播出。新一年燒咗「小器簿」後,《TVB娛樂新聞台》亦開始見到ViuTV 旗下藝人亮相,以為ViuTV一哥阿Dee這次順利登上對家電視台的節目,點知同一個訪問卻有兩個版本。
![何啟華 阿Dee 阿Dee與子華神一齊拍賀歲片《毒舌大狀》。](https://imgs.orientalsunday.hk/wp-content/uploads/2023/01/1111_188651693163b43f28a5c6e.jpg)
![何啟華 阿Dee 這日阿Dee出席電影宣傳活動企在子華神身旁一齊接受圍訪,無綫亦有派人採訪,期間子華神更為阿Dee舉咪收音。](https://imgs.orientalsunday.hk/wp-content/uploads/2023/01/4_208513175963b44108f11cc-1024x473.jpg)
![何啟華 阿Dee 在ViuTV播出的片段中,有阿Dee接受訪問時的畫面,其表情與動作超級誇張。](https://imgs.orientalsunday.hk/wp-content/uploads/2023/01/5_23179150763b4410c439e7-1024x473.jpg)
![何啟華 阿Dee ViuTV一哥阿Dee突然躁底,以咪牌舉高個頭來洩憤。](https://imgs.orientalsunday.hk/wp-content/uploads/2023/01/1_138037432563b440fe1cb4e-1024x473.jpg)
Dee哥3秒躁底怒舉咪牌
阿Dee雖然是子華神身邊紅人,但在整個訪問環節中,阿Dee多次被現場採訪記者無視,一時嫌他企得唔夠埋,一時又話個咪牌太低見唔到,搞到平時四萬咁口嘅阿Dee都即時閃過3秒躁底黑面樣。最後,他選擇用超大動作把手上咪牌高舉過頭發洩,希望可以換來更多關注,可惜,以上種種行為,無綫的《TVB娛樂新聞台》只出大合照畫面而冇播阿Dee圍訪時的訪問,而《東張+》則貫徹「宗旨」Cut得就Cut,完全裁走阿Dee的畫面。所以,想睇原汁原味訪問,就只能返回ViuTV 的官方社交網。
![何啟華 阿Dee 無綫十分畀面子華神,派人採訪其新片的宣傳活動,在「娛樂新聞台」播出的片段中可見,圍訪時有阿Dee的畫面都照出,不過就冇播佢受訪時的片段。](https://imgs.orientalsunday.hk/wp-content/uploads/2023/01/9_45454086463b443b904f82-1024x473.jpg)
![何啟華 阿Dee 無綫玩彈弓手,在「東張+」播出的片段,因為大合照栽唔走阿Dee,焗住播出。](https://imgs.orientalsunday.hk/wp-content/uploads/2023/01/8_163822276163b443b69283b-1024x564.jpg)
![何啟華 阿Dee 「東張+」全部訪問片段都裁走阿Dee,明明他企正子華神身旁,都夾硬「被消失」。](https://imgs.orientalsunday.hk/wp-content/uploads/2023/01/6_102705285963b443ed6475b-1024x473.jpg)
何啟華Dee哥直言票房大賣脫褲謝票
雖然阿Dee何啟華在TVB訪問中被無視,但是亦無損好心情,當被其他記者問到,若果新戲票房好會有什麼福利時,黃子華其實早前就已經請全港市民乘搭中環摩天輪。雖然,黃子華表示要回本也不容易,就算新戲賺錢也沒有分紅,因此,有人就提議阿Dee「除褲謝票」,而阿Dee則笑著表示,每天都要脫,不過,都大方答應,如果票房大賣就脫褲謝票,再加勁歌熱舞。
![何啟華](https://imgs.sundaymore.com/wp-content/uploads/2023/01/2023-0-26-screenshot_124028835663b79ee6dd235.jpg)
《東張+》cut走阿Dee版
《TVB娛樂新聞台》阿Dee有樣冇訪問版
ViuTV足本訪問
對比兩台訪問片 網民直指阿Dee脾氣好
有不少網民看完兩段訪問的片段都直指TVB十分小氣,明明阿Dee是劇中主要演員也被cut走,實在不太尊重演員。雖然,阿Dee慘被cut走,但是阿Dee在訪問中也維持笑容,更被一眾網民大讚脾氣超好。
![何啟華](https://imgs.sundaymore.com/wp-content/uploads/2023/01/-2023-01-05-10.47.14_45150200663b79fea4b0f3.png)
![何啟華](https://imgs.sundaymore.com/wp-content/uploads/2023/01/-2023-01-05-10.48.25_172124828363b79fee468b4.png)
雖然,TVB早前也曾想邀請MIRROR作表演,但是最後卻不成事。之後,有讓MIRROR出現在部分訪問片段中,相信要合作還是不太可能。
![何啟華](https://imgs.sundaymore.com/wp-content/uploads/2023/01/-mirroranson-lo-0-53-screenshot_118424591863b7a0e04aaa7.jpg)
阿Dee遲到當面被黃子華揶揄:身價高嘅人係唔同啲!
阿Dee在圈中出名脾氣好。早前,阿Dee與黃子華及一眾演員為新戲《毒舌大狀》宣傳時,阿Dee因遲到差不多20分鐘才開始為戲中「林涼水大律師事務所」進行開幕剪綵儀式,一出場時更當面被黃子華揶揄:「果然身價高嘅人係唔同啲!」隨即嚇到阿Dee表示:「唔好咁講。」雖然,阿Dee被寸,但是卻沒有生氣,反而很嬲自己,因為明明一早回到公司化妝,但是卻遇到隱形眼鏡裂開及壞𨋢才會遲到,相信阿Dee對遲到已經很內疚。
![何啟華](https://imgs.sundaymore.com/wp-content/uploads/2023/01/317060746_2088938861296053_1641666118838585386_n_74171529563b7a267db7bc-1024x685.jpg)
![何啟華](https://imgs.sundaymore.com/wp-content/uploads/2023/01/317009078_5551158868336882_4327083898826368083_n_27802672363b7a26584e8b-1024x685.jpg)
無綫近月開始解封播MIRROR COLLAR
無綫貴為大台,開台幾十年以來只要是對台藝人都全無機會亮相,就連娛樂新聞都決不報道。但近年ViuTV 走勢凌厲,栽培出來的新人全部都人氣超然,橫掃歌影視三範,方丈只能跪低。續早前轉播電影《過時·過節》宣傳片,令Mirror 成員呂爵安(Edan)初次現身無綫,再有去年商台籃球比賽報道Mirror 成員盧瀚霆(Anson Lo)喊;連早前吒咤頒獎禮,就算「親生女」姚焯菲同Yumi呆坐成晚,無綫都有報道Collar 成員SoChing復出。不過,今次阿Dee就唔知點解畀人cut走,唔通真係明針對ERROR成員?
![何啟華 阿Dee SoChing在吒咤頒獎禮上復工,TVB娛樂新聞台亦有到場採訪及報道,不過就沒有舉TVB咪牌。](https://imgs.orientalsunday.hk/wp-content/uploads/2023/01/112_30896014463b447550e014.jpg)
![何啟華 阿Dee Mirror全員在商台的籃球比賽現身,回應阿Mo事件,TVB娛樂新聞台亦有到場採訪,更大字標題報道,明顯大台都要跟紅頂白。](https://imgs.orientalsunday.hk/wp-content/uploads/2023/01/14_171965114863b44655814de-1024x810.jpg)
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。