鄭中基高調炒何慶湘來龍去脈 疑似涉及三角戀?余思敏出面拆彈
鄭中基(Ronald)與其經理人何慶湘(湘姐)於8月3日的合作關係突然結束,引起了廣泛的關注和討論。鄭中基今日再發表長文,透露自己患抑鬱症及酗酒,並將會由太太陪同,到美國接受戒酒療程。作為鄭中基背後嘅女人,余思敏多年來為老公事業出心出力⋯⋯
機動娛樂發聲明 確認何慶湘已離職
鄭中基近日在社交平台發表聲明,表示:「由於發現何慶湘工作及道德操守有問題,本人與機動娛樂立即終止合作,有關工作交接問題會另作安排。」震驚眾多粉絲和網民,機動娛樂隨後亦發布聲明,確認何慶湘已於8月3日正式離職,而鄭中基則計劃在完成兩場演唱會後休息一段時間。
![鄭中基 (圖片來源:鄭中基FB)](https://imgs.sundaymore.com/wp-content/uploads/2024/08/fb_30103206166b30b8430ffd.jpg)
陳志雲爆鄭中基發文表達不清晰
在網台直播中,陳志雲首先透露,他雖然不認識鄭中基、余思敏和何慶湘三人,但有和鄭中基關係密切的人向他透露:「話今次佢只係寫嘅時候文字表達唔準確,唔係終止同機動電視嘅合作,係終止同何慶湘合作,間公司仍然都係佢嘅。鄭中基本身好多錢,都唔憂,佢唔係再科錢落去,呢個機動電視仍然會繼續,只係佢唔同何慶湘合作,佢冇理由終止同自己公司嘅合作。」
李婉華就留意到余思敏在鄭中基發表聲明前,已在IG限時動態預告了將有重大消息,並標註了鄭中基、何慶湘及機動電視台,惹人遐想。
![鄭中基 陳志雲和李婉華在網台開直播,討論鄭中基公開與經理人何慶湘決裂一事。(圖片來源:YouTube@志雲飯局)](https://imgs.sundaymore.com/wp-content/uploads/2024/08/youtube_140903353466b30b85544ea.jpg)
![鄭中基 鄭太余思敏在鄭中基發表聲明前已率先作出預告。(圖片來源:余思敏IG)](https://imgs.sundaymore.com/wp-content/uploads/2024/08/ig_74900502566b30b862bbde.jpeg)
稱員工或助手仰慕老闆好常見
陳志雲在直播中指出,員工或助手仰慕老闆和多了情感投射,都是十分常見的事。他分享了更多內幕:「鄭中基做幕前,佢搞呢個台,對營運唔係好大參與,佢抌咗錢出嚟亦都冇再注資,而家簽咗啲藝人,開支都大,聽聞坊間話何慶湘係好勤力,好賣力,周圍『R』數,但係就有啲八卦嘢,佢做經理人淨係同Ronald接工作,太太嘅工作佢唔接,有啲拗撬出咗嚟,太太出咗啲Post,可能對佢兩個啲關係唔高興,後來攞晒啲數嚟睇,覺得啲數唔係好對,搞到而家咁樣。」
![鄭中基 陳志雲指員工或助手仰慕老闆很常見。(圖片來源:鄭中基IG)](https://imgs.sundaymore.com/wp-content/uploads/2024/08/ig_167537098766b30b8757ebb.jpeg)
余思敏疑不滿何慶湘代筆出po
但陳志雲續指何慶湘的朋友都相信她並不是會「穿櫃桶底」的人:「鄭中基最後出呢個Post,話要中止工作關係,覺得佢做嘢有問題,有熟鄭中基嘅朋友就話唔係好似佢,佢唔會寫到咁撇脫、咁絕、咁勁,話人哋幫佢代筆都唔定。呢個真係唔知,但係有啲暗湧喺入面,而家應該係佢太太掌管返個營運。」
陳志雲笑言鄭中基後來再出Po稱有情緒困擾,說不定就是因為夾在兩個女人中間:「一個係工作關係,一個係自己另一半,唔困擾都好難,哈哈!」
![鄭中基 陳志雲聽聞余思敏不滿鄭中基和何慶湘關係太密切。(圖片來源:鄭中基FB)](https://imgs.sundaymore.com/wp-content/uploads/2024/08/fb_159040325966b30b8899c9d.jpg)
陳志雲教路搵助手一定要搵同性
李婉華則大膽假設何慶湘為人有機心,可能得一想二,想用圈套套著老闆,並指:「佢郁都郁唔到,要出動到正印大婆要出聲、做嘢,講到道德操守,作為一個咁腍善、冇所謂、咁錫人嘅鄭先生,又點會咁樣寫呢個何小姐,話你有操守問題?佢唔會寫得出,在公在私都有感情。」
最後陳志雲建議搵助手一定要搵同性,或者好醜樣的異性。李婉華就直言入行多年,見過娛樂圈有很多女助手乘虛而入,當一出埠工作,助手、經理人就如入無人之境,會有機心,知道對方有另一半,仍想試試自己能力。
![鄭中基 李婉華質疑何慶湘只是經理人,卻高調參與幕前工作,似乎超越了經理人界線。(圖片來源:何慶湘IG)](https://imgs.sundaymore.com/wp-content/uploads/2024/08/ig_155551537366b30b89a91f6.jpg)
網民列5大揣測
1. 鄭中基偷食湘姐
事件已發酵兩日,但鄭中基、機動娛樂同何慶湘都未有再發表回應,因此引來不少網民猜測,有網民就估係鄭中基偷食湘姐:「第一次睇佢哋個台時,見個湘姐同暴龍哥D對答、睇條女對住暴龍哥D眼神,已經有種好奇怪嘅感覺」、「似係鄭中基同湘姐有路,畀老婆發現咗,最後鄭決定斬䌫」、「要由老婆開波,仲要係大婆食花生爆大鑊語氣,似感情道德問題」、「睇佢老婆前排ig啲post,感覺唔簡單」、「最合理係出軌,其他錢銀/工作上佢老婆冇必要參與+出預告post」等。
2. 鄭中基被老婆騎劫社交帳號
更有網民指鄭中基社交網發出的第一個割蓆post,是由鄭太余思敏所出:「好明顯頭PO老婆出」、「如果係老婆岀post,搞人老公都可以係道德操心問題」、「嗰個post咁寫,都估唔係大佬出啦」、「直覺話我知點po唔係暴龍哥本人出,係佢老婆」等。
3. 湘姐穿櫃桶底偷公司錢
其中因為鄭中基指控何慶湘「工作及道德操守有問題」,所以出現了「湘姐穿櫃桶底」的揣測:「其實cap水似最大嫌疑啦,之前明明接咗堆廣告都話個台告急要廣告,做個選拔又話用咗好多錢搭景」、「勁似最近台灣一個YouTuber有AB約嗰啲問題…穿咗成8位數字台灣嗰件」、「可能係暗啞底收回佣來幫檯接job」,但亦網民指出「穿櫃桶底就直接ICAC啦」、「咁佢應該要採取法律行動,唔係中止合作就完」。
4. 湘姐犯法鄭中基急割蓆
有網民就猜測是湘姐進行了違法行為,所以鄭中基才會急於和她劃清界線:「間公司簽左啲大佬唔想做嘅contract,然後大佬被逼割蓆」、「用公司名接Job有問題,唔想上身」、「可能女方攪左d大鑊野,甚至犯法,可能類似舞台偷工減料之類」「會唔會經理人湘暗地做違規犯法行為,引致鄭中基自己不知情下都犯法(刑事要坐監)所以先以呢個方式劃清界線?」
5. 成件事係大整蠱
由於當事人一直冇再出聲,有網民就存有僥倖心態:「其實會唔會係整蠱?大家都冇移除到@湘姐,希望係整蠱」、「定係真係整蠱?畢竟佢哋認識並共事好似都有7/8年了喔。無可能到現在至發現詬病」、「成件事真係好匪夷所思」、「依家玩大咗收唔到科,所以唔出聲了」
鄭中基發長文自稱患抑鬱及酗酒
鄭中基今日再發表長文,不過內容由始至終都冇講到經理人衰咩,只將重點提到自身健康嘅聲明,包括患抑鬱及酗酒兩大情況,鄭中基更指太太會陪同自己到美國接受戒酒療程。好友林敏聰回應支持:「頂字(住)老友」,不過亦有網友猜測:「都係無交代同解釋到究竟關何慶湘咩事喎…」「酒後亂性?」亦有估計此聲明是化解公關災難嘅手段。
![鄭中基 鄭中基今日再發表長文,不過內容由始至終都冇講到經理人衰咩,只將重點提到自身健康嘅聲明。(圖片來源:鄭中基FB)](https://imgs.sundaymore.com/wp-content/uploads/2024/08/fb_20697681066b30b8b10a0d.jpg)
![鄭中基 好友林敏聰回應支持:「頂字(住)老友」(圖片來源:鄭中基FB)](https://imgs.sundaymore.com/wp-content/uploads/2024/08/fb_84180504366b30b8c6440f.jpg)
鄭中基澳門搞騷唔知開唔開得成
鄭中基將於今個星期六(10日)到澳門上葡京綜合度假村舉行My Only One音樂會,有網友擔心鄭中基自身健康問題,未知能否如期進行。
![鄭中基 有網友擔心鄭中基自身健康問題,未知能否如期進行。(圖片來源:官網圖片)](https://imgs.sundaymore.com/wp-content/uploads/2024/08/_195381281966b30b8d8732e.jpg)
享受被稱為老闆娘 疑想做「劉嘉玲2.0」
陳志雲續指鄭中基與何慶湘終止工作關係後,鄭中基的事業管理權應該由余思敏掌管。事實上,余思敏一直喜歡被外界稱為「老闆娘 」。早前有網民在IG留言稱余思敏為「老闆娘 」時,余思敏親手點讚,更指「喜歡這個稱呼,多謝你」,似乎想做「劉嘉玲2.0」,為丈夫打點事業發展。
![鄭中基 余思敏享受被稱為老板娘。(圖片來源:IG@sammieyucm)](https://imgs.sundaymore.com/wp-content/uploads/2024/08/igsammieyucm_197276178866b30b8e5c1fa.jpg)
![鄭中基 有機會做「劉嘉玲2.0」(圖片來源:《無間道2》截圖)](https://imgs.sundaymore.com/wp-content/uploads/2024/08/202_30312793066b30b8f7e763.jpg)
不介意高調大方批准楊千嬅做嘉賓
曾經做過幕前的余思敏,向來不介意為鄭中基高調現身。在2017年鄭中基舉行紅館演唱會時,余思敏就帶同一對仔女到場支持,到Encore更上台同鄭中基情深一吻。就算鄭中基「舊愛」楊千嬅做鄭中基演唱會嘉賓,余思敏都大方批准,認真唔話得。
![鄭中基 余思敏在鄭中基演唱會大方登場,仲深情接吻!(圖片來源:新傳媒資料庫)](https://imgs.sundaymore.com/wp-content/uploads/2024/08/_68776736366b30b9036eae.jpg)
盤點5大巨星身邊女人
1 | 劉嘉玲(梁朝偉太太)
劉嘉玲近年為梁朝偉所付出的一切,大眾有目共睹。劉嘉玲不但鼓勵梁朝偉接拍荷里活Marvel大片《尚氣》,令其人氣再度急升,成功打入荷里活市場;亦時不時在綜藝節目或社交平台大談梁朝偉鮮為人知的一面,使得梁朝偉的人物形象變得更加立體化、更加正面。
![鄭中基 網民覺得劉嘉玲近年為梁朝偉付出甚多,亦是梁朝偉長有長做的主要原因。(圖片來源:IG@carinalau1208)](https://imgs.sundaymore.com/wp-content/uploads/2024/08/igcarinalau1208_202545241166b30b939fbc3.jpeg)
![鄭中基 經常在社交平台大曬梁朝偉鮮為人知的一面。(圖片來源:IG@carinalau1208)](https://imgs.sundaymore.com/wp-content/uploads/2024/08/igcarinalau1208_74106654566b30b956a8a9.jpeg)
2 | 發嫂陳薈蓮(周潤發太太)
與發哥結婚36年的發嫂陳薈蓮是新加坡富商之女,86年與發哥結婚,兼任發哥的經紀人,多年來無論衣食住行,下至買餸、上至買樓,發嫂都手到拿來,她為發哥處理好工作和生活上的大小事情,對外她是女強人,但內心卻是一個仰慕丈夫的小女人。
![鄭中基 講到娛圈賢妻一定唔少得發嫂!(圖片來源:東方新地)](https://imgs.sundaymore.com/wp-content/uploads/2024/08/_2002527666b30b96a8d75.jpg)
3 |牛春龍(吳宇森太太)
大導演吳宇森與太太牛春龍結婚45年,兩夫妻今年先後罹病,二人互相照顧,陪伴對方對抗病魔。身為大導演吳宇森背後的女人,牛春龍多年來一直專注照顧家庭之餘,又在丈夫拍電影時,為對方寫拍攝側記,接受媒體訪問,為丈夫的電影作宣傳,名副其實的賢內助。
![鄭中基 吳宇森和太太超級恩愛。(圖片來源:IG@john_woo_filmmaker)](https://imgs.sundaymore.com/wp-content/uploads/2024/08/igjohn_woo_filmmaker_77200133266b30b974236c.jpg)
4 |林惠嘉(李安太太)
另一大導演李安與太太林惠嘉的婚姻亦感動到大批網民。林惠嘉在李安事業6年期間,不但成為家庭的經濟支柱,更以行動和言語支持丈夫的夢想。到李安成功成為名揚國際的大導演時,林惠嘉謙虛表示自己並沒有支持他,只是沒有拖對方後腿,令不少網民都感到非常敬佩。
![鄭中基 李安每次提到太太都好幸福。(圖片來源:訪問截圖)](https://imgs.sundaymore.com/wp-content/uploads/2024/08/_95630313766b30b98797cd.jpg)
5 |郭藹明(劉青雲太太)
94年開始拍拖,98年拉埋天窗,劉青雲與郭藹明結婚超過二十年。青雲曾在一次訪問中坦言老婆是他人生最好的禮物,並在15年奪金像影帝時,在台上感言冧到老婆 眼濕濕:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球!」皆因婚後息影的郭藹明為老公打理頭家功不可沒,成為劉青雲背後最強的支柱。
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。