菊梓喬爆初戀遇世紀渣男遭「家暴」 堅信人生須結婚才完整：「就算離婚都叫結過﹗」
35歲菊梓喬入行至今演藝事業一帆風順，深受公司高層的力捧，而她也十分珍惜機會，緋聞甚少更單身多年。除出道初期被傳與張景淳交往外，幾乎沒有其他緋聞男友，她亦多次澄清該戀情傳聞並劃清界線自保。身為一姐的她出道後便放棄愛情，最近菊梓喬接受電台訪問時，竟罕有地談感情世界，更自爆初戀遇上世紀渣男慘遭「郁手郁腳」！
原文刊於：東方新地 ｜圖片來源：新傳媒圖片、hana_kuk@Instagram、香港電台第一台 RTHK Radio 1@Facebook｜編輯：Hazel
菊梓喬電台自爆初戀遇世紀渣男遭「郁手郁腳」
菊梓喬早前接受港台車淑梅《舊日的足跡》訪問，激罕談及感情世界。她自爆因家庭因素，很早投身社會工作養家，年紀很小便拍拖，她指：「我十幾歲就拍拖，覺得愛情好恐怖，自己係完全控制唔到，我初戀遇到個世紀渣男，佢有好多女朋友，又對我郁手郁腳，不但節日唔會陪我，仲攞晒我打工嘅錢，拍咗三、四年分手，好在嗰時有人提醒我唔可以將所有希望放喺一個人身上，要創造自己嘅事業，呢樣嘢人哋先帶唔走﹗」
菊梓喬認為女仔結婚才算完整
35歲菊梓喬自稱單身，並大方分享擇偶條件，指自己正值適合找老公的年紀：「一定要高富帥，超級靚仔，要好似漫畫男主角一樣，五官好精緻，因為我要求高所以好難搵到，唯有專心工作先，不過我覺得女仔點都要結一次婚，否則人生唔完整。我依家35歲未急，林志玲姐姐都係無耐前結婚，我覺得就算之後離婚都要結過，當然我想一生一世。」
菊梓喬被新星夢揸弗人評：發展單一不夠多元化
自曾志偉加入無綫任高層後，星夢CEO何哲圖Herman敗走，愛將菊梓喬的去向最受關注。菊梓喬指已跟新星夢揸弗人何麗全談未來發展方向，被對方評：「你形象被定格， 一直係楚楚可憐嘅歌手，歌手應該多方面發展」。菊梓喬即把握機會為自己平反，她指：「其實我本身都係咁諗，知道歌手係應該多方面嘗試，我都鍾意Rock，不過嗰時Herman叫我要做好一樣嘢先，等觀眾有深刻印象先，我係新人，唯有尊重公司尊重老闆嘅決定﹗」
菊梓喬無懼一姐地位動搖
車淑梅問到菊梓喬會否害怕一姐地位被動搖時，她指自己入行只有五年仍是新人：「我得到『最受歡迎女歌星獎』只係代表幕後嘅團隊領獎。當年發生咗好多事，可能公司冇人可揀，否則未必會選到我。得獎冇咩特別開心唔開心，更加唔會飄飄然﹗」被問到與前老闆Herman可有聯絡，菊梓喬坦言每天都會通電話。雖然公司變動很大，但並不擔心自己的事業發展。最近有玄學家指她的真名陳曉怡有利演藝事業，其事業可以去到更高更遠，她坦言希望有一天像王菲一樣用回真實姓名。
菊梓喬《勁歌金曲》大滿貫
菊梓喬入行五年星途如坐穿梭機，當年星夢前一姐吳若希停工生女時，無綫9成劇集歌曲都由菊梓喬演唱。在《勁歌金曲頒獎典禮2020》三度蟬聯「最受歡迎女歌星」。為做一姐放棄愛情，即使有同性密友薯餅跟出跟入，菊梓喬一樣好低調，有媒體曾拍到她與薯餅到將軍澳遛狗，一身黑衣加上黑帽而且全程避忌。
菊梓喬為上位唔拍拖
單身多年的菊梓喬，樣子清秀是典型靚女，但入行後甚少緋聞，據知情者說：「其實Hana一直都有男仔追，當中唔少男仔條件都唔錯，但佢定力好好，話想專注唱歌先，感情嘢唔想諗住，因為自細屋企環境唔好，佢要擔起成頭家，所以佢好識諗，同埋Hana已經34歲年紀唔細，再唔博就真係冇機會。公司早已暗示過，想繼續有位上就唔好搞搞震，吳若希就係最佳人版，好好地被力捧瞞住公司搞出咁多嘢，為生B又停工一年，機會唔等人，蘇州過後真係冇艇搭，喊都無謂。」有同門師姐前車可鑑，令菊梓喬立定決心不拍拖。入行五年便坐正做一姐兼做了歌后，菊梓喬雖然有實力，但上位之快難免惹閒言，當年拿「最受歡迎女歌星」致謝時說到喊。
菊梓喬密友曝光 追星多年
有男仔接近想進一步發展關係都被菊梓喬拒絕，不過同性密友便是另一回事。據知菊梓喬加盟星夢時，已被追星愛好者薯餅虎視眈眈，由於當時菊梓喬知名度一般，遇上欣賞自己的粉絲，她當然欣然接受，知情者透露：「薯餅追咗星都十幾年，其實佢都幾博愛，韓星港星都鍾意，好多年前佢已經好迷霆鋒同Isabella（梁洛施）。為咗接近明星，佢早年入商台做，每次見到星都拉住人集郵，佢唔怕醜面皮厚，目的就係埋啲星身做朋友，就算跟出跟入做阿四都冇所謂。近年去咗《 YES！》度做，繼續追星，仲成日黐實Hana陪開工陪放狗，做埋私人攝影師，佢周圍同人講Hana已經成為佢嘅第一女神，最諷刺係未冧Hana前，薯餅係吳若希嘅瘋狂fans。」
菊梓喬與密友黑衣出巡
當日菊梓喬離開寓所駕車到將軍澳，一身黑衣打扮的她帶著愛犬步行8分鐘到將軍澳海濱長廊的寵物公園。菊梓喬行至狗公園門口，中性打扮的同性密友薯餅早已企定定等她，二人前後腳進入公園。
二人低調會合放狗
雖然薯餅是同性，不過菊梓喬為免招人話柄，一樣低調行事。二人最初扮不認識，到狗公園才放下戒備開心放狗。身為公眾人物，菊梓喬一直保持低調，在長凳坐下視察清楚周圍環境，薯餅負責做服侍狗狗，看得出她與菊梓喬狗狗很親近。
菊梓喬感情上有缺失
人怕出名豬怕肥，菊梓喬明顯比師姐吳若希珍惜機會，經常被讚唱慘情歌感情爆棚的她，曾表示感情上的缺失或許是她投入歌曲的原因：「好多朋友都話我把聲唱情歌有種好痛嘅感覺，可能係感情有缺失，呢個係共鳴！識男友隨緣啦，唔可以強求，老闆都叫我專心工作！」專注是好，但工作壓力大，不懂紓緩分分鐘屈到病，菊梓喬本身性格頗孤僻，不拍拖有同性密友也好，至少有人陪她放狗聊天。
16年菊梓喬未走紅，薯餅已放長線投資，無論出活動、去電台宣傳或是上街busking，薯餅都跟隨左右兼任攝影師。
薯餅每次見到心儀女星都封做女神，菊梓喬都不例外，她在IG內叫她做「鵪鶉蛋女神」。
如何可以快速告別單身?
有5招告別單身基因，增加桃花運。還可以先了解一下尋找另一半的重視的擇偶條件，在尋愛的路上乘勝追擊。當遇見有好感的另一半，不妨試試主動出擊，善用以下10個曖昧技巧把對方追到手！
