王祖藍李亞男2千呎上海豪宅曝光 為賺人仔罕有讓一歲半女兒出鏡
王祖藍13年憑《百變大咖秀》在內地爆紅,成為內地人氣王吸金力強,兩年後已經以1.1億在香港買下大埔逸瓏灣頂樓特色戶送給老婆李亞男,王祖藍李亞男近月移居上海,在當地租住約2千呎單位,早前接下真人騷《做家務的男人》,更激罕讓女兒Gabrielle(王天韻)出鏡,內地豪宅亦曝光。節目於十月中煞科,李亞男亦開始閉關安胎,為免中港頻撲,祖藍已安排太太在內地頂級醫院生B,岳父相的王祖藍,據悉太太今胎都是陀女,以後家中有三條Queen,祖藍當然要更努力工作賺錢!
原文刊於:東方新地|圖片來源:東方新地、節目截圖
王祖藍李亞男一家三口拍真人騷賺人仔
疫情緩和,內地綜藝節目火速復騷,近年不時孖住李亞男夫妻檔演出的王祖藍,早前以天價接下內地真人騷《做家務的男人》,更罕有讓一歲半的女兒 Gabrielle出鏡,節目內湊女笑料百出,三口子吸人仔寓工作於娛樂。
40歲王祖藍家中三條Queen
現年40歲的王祖藍,同太太李亞男結婚五年有心有力,今年父親節,王祖藍一家三口拍片宣布太太李亞男懷上第二胎,雖然一度有傳亞男今胎是陀 B仔,但據悉李亞男今胎亦是陀 B女。據知情者透露:「自從大女 Gabrielle(王天韻)出世之後,祖藍見到個女已經嗒晒糖,個女又鍾意黐佢撒嬌,簡直就係祖藍嘅小情人,所以知道再生女,又會多個女嗲佢,祖藍不知幾開心,佢知道太太陀 B辛苦,兩公婆都決定生完呢胎之後休息吓,等亞男可以回吓氣,追仔遲一步先再打算!」
王祖藍Book定醫院頂級產房
13年憑內地綜藝節目《百變大咖秀》在國內爆紅的王祖藍,事業愈戰愈勇,內地工作接到冇停手,雖然今年一度因新冠肺炎疫情停工,不過近月內地疫情緩和,王祖藍已極速接下排山倒海的內地工作,以往完成一項工作,便會攝時間返港陪妻女的他,為方便照顧陀著第二胎的太太李亞男,索性一家移居上海。據知情者透露:「年中內地疫情開始緩和,祖藍已經接咗好多工作,始終老婆陀住 BB,佢唔放心留亞男一個人喺香港獨力照顧個女,所以一早已經安排亞男同囡囡返內地居住,佢喺上海租咗個過二千呎物業做三口子嘅安樂窩,咁就算飛內地唔同地方開工,都唔使隔離,來回好方便,有時拍兩三日嘢,佢可以趕返屋企陪亞男同個女,自己可以貼身照顧亞男佢亦安心好多!所以暫時祖藍都未有計劃幾時會返香港!」現時陀B約九個月的李亞男個肚已經相當大,太太臨盆在即祖藍亦非常緊張,早在內地 book了頂級醫院產房迎接二女來臨,亦計劃好停工陪太太入產房生 B,幸福人爸到時湊女又有排忙!
有什麼Netflix、Disney+推薦及必睇劇集?
為大家整理一下截至目前為止小編追過的Netflix影集清單,必睇Netflix電影或劇集片單;Disney+方面,則可以一看電影片單推介。