愛回家|疑趁Anson Lo生日扮「粉紅教主」?陳浚霆對男生扮可愛大為反感
TVB劇集《愛回家》疑藉Anson Lo生日抽水?繼早前抽193開cafe、「虛火論」,7月7日抽出的1647集有璟風(陳浚霆飾)著粉紅色西裝扮Anson Lo扮可愛,劇情中的浚霆本身對男生扮可愛大為反感,更批評蔥頭繼而遭大小姐責罵,為咗「保命」佢都要放低自尊扮可愛,幫手賣飲品廣告。
《愛回家》疑趁Anson Lo生日扮「粉紅教主」?
《愛回家》中的大小姐龍力蓮(林淑敏)非常冧蔥頭,對可愛小鮮肉全完冇抵抗力,之前1643佢仲專程去蔥頭開的cafe打卡兼支持。到今集劇情講到,男同事們知道大小姐鍾意蔥頭,故此扮可愛來逃避責罵。陳浚霆本身對男生扮可愛大為反感,更批評蔥頭繼而遭大小姐責罵,為咗「保命」佢都要放低自尊扮可愛,幫手賣飲品廣告。
《愛回家》有心思 陳浚霆扮Anson Lo贈慶
陳浚霆見扮可愛有效,所以決意改變形象,可惜如廁期間遭一名黑衣蒙頭毆打,原因就是討厭他大男人卻要扮可愛,陳浚霆被打期間更大叫:「唔好打面!唔好打頭!」TVB並非第一次抽MIRROR水,不過今次「時間啱啱好」,事關有教主之稱的Anson Lo(盧瀚霆)正正今日(7月7日)生日,想不到TVB如此落力為友台當紅小生慶祝。
先睹為快:
網民反應兩極:
有TVB 粉絲指《愛回家》經常扮鬼扮馬抽水輕輕輕鬆鬆其實都幾好笑,亦有教主粉絲護航指,兩指並不能相提並論。
《愛回家》暗寸ViuTV藝人 193開cafe中箭
《愛回家》日前播出1643集,以「蔥頭」暗寸完姜濤之後,今次再寸193斥資7數開cafe,劇中對白:「我開呢間cafe唔係為咗賺錢,係為咗可以有個地方同粉絲聚會。」又提到開cafe想與大家分享自己演藝事業的心得。反觀193當時開cafe就講過:「做生意都要賺錢㗎,係咁㗎喇,有人做生意會講係分享自己理念,我唔會講呢啲,我直接講要呃你哋錢,我就係要賺錢。」
《愛回家》借大小姐把口抽193水
《愛回家》大小姐龍力蓮劇中是蔥頭忠粉,她細佬Terry(李偉健飾)見蔥頭開cafe分享自己演藝理念有樣學樣。不過龍力蓮就極力反對:「燈油火蠟、人工、食材,虢礫緙嘞全部都係錢,開一間cafe起碼要7位數字!」剛巧193郭嘉駿投資七位數開cafe,疑似再搵位暗寸。而且大小姐強調人地蔥頭名氣大、粉絲多,先做到明星效應賺到咁多,相反Terry就無人識,賺唔到錢。
《愛回家》大小姐再抽「虛火論」
《愛回家》1643集抽完「7位數開cafe」、「唔係為賺錢」後,到1644集再出手。劇情講到Terry自己開cafe,但主題騎呢,大小姐訓斥Terry客人到訪只為打卡放上網呃Like:「嗰啲虛火嚟㗎!」疑似抽水陶傑批評MIRROR的「虛火論」。
《愛回家》非第一次抽MIRROR水?
TVB並非第一次抽MIRROR水,不過今次「時間啱啱好」,事關有教主之稱的Anson Lo(盧瀚霆)正正在…詳情請看
《愛回家》點抽ViuTV藝人水?
《愛回家》曾以「蔥頭」暗寸完姜濤,劇中對白疑似玩暗寸,指193斥資7數開cafe是…詳情請看