《失憶24小時》姜大衛26歲仔姜卓文恨入行 靚仔似Oppa全家錫到燶！
姜大衛非常寵愛兒子姜卓文，近日入行五十多年的姜大衛在劇集《失憶24小時》演譚俊彥爸爸，與現實一樣老來得子，當年孻仔姜卓文在母親48歲高齡時出世，與大姐依蘭年齡相差21年。現年26歲的姜卓文，前年曾參加《全民造星2》，早年已經比爸爸高，更生得青靚白淨，還擁有一雙單眼皮眼睛，彷如韓國Oppa！出身於演藝世家的姜卓文，表演慾極強，早前秘密去試鏡，相信娛圈很快又多名星二代。
原文刊於：東方新地｜圖片來源：新傳媒圖片庫、Instagram
姜大衛26歲仔姜卓文欲向娛圈發展！
姜大衛近日在新劇《失憶24小時》演譚俊彥阿爸，73歲姜大衛演出向來備受好評，現實生活中姜大衛也是個好爸爸，對26歲兒子姜卓文及兩名女兒非常愛錫，曾經有指John哥（姜大衛）曾助大女姜依蘭老公曹永廉在TVB發展，近年John哥再栽培細仔姜卓文，為仔女仆心仆命。
據知情者透露，John哥細仔姜卓文原來對演戲唱歌都有興趣，更視爸爸為學習對象。「卓文細細個已經對做戲好有興趣，成日問爸爸做戲啲嘢，John哥都好鍾意同個仔分享自己經驗，佢畀好大自由度個仔，但就講明要佢讀完大學先諗去向，而卓文都好乖仔，好畀心機讀書，今年就大學畢業。」
孻仔孻心肝，加上老來得子，老婆李琳琳96年以48歲高齡誕下孻仔姜卓文，與大女依蘭年齡足足相差21年，二女依文亦相差9年。據知情者透露：「因為年齡相差咁遠，家姐依蘭好錫細佬，嗰時爹哋媽咪好忙，依蘭就幫手湊細佬，所以卓文好尊重呢個家姐，亦同姐夫曹永廉好friend ，佢成日都同兩個姪仔姪女玩，掉番轉睇住家姐兩個仔女大。」
姜卓文青靚白淨似韓國Oppa
眨吓眼姜卓文已經26歲，長得比爸爸高，而且生得青靚白淨，似足韓仔feel。據知情者透露：「卓文真係遺傳咗父母優良DNA，生得高大還青靚白淨，成個韓仔咁款，同爸爸以前個大俠Look好唔同，但反而好啱呢個年代發展，呢啲外形好煞食。」
數年前年大學畢業的姜卓文曾經秘密去試鏡，John哥接受訪問時曾透露：「個仔想做明星，我哋唔會阻止，佢之前去咗試鏡，未知結果，要我帶佢入行好易，但我想佢靠自己。」
據知情者透露：「雖然個仔讀設計，但John哥冇話限住個仔一定要喺設計方面發展，佢知道個仔鍾意演戲，都好支持佢，畀好多鼓勵佢之外，話晒John哥喺圈中人脈廣，70年佢已經喺亞太展攞『最佳男主角』，話就話唔鋪路幫個仔入行，John哥阿哥秦沛、細佬爾冬陞都係同行，到時如果個仔開聲，John哥點會唔出手？佢又提醒個仔，如果決定入行，就畀心機努力做，唔好抱住玩玩吓心態。」
有什麼Netflix、Disney+推薦及必睇劇集？
為大家整理一下截至目前為止小編追過的Netflix影集清單，必睇Netflix電影或劇集片單；Disney+方面，則可以一看電影片單推介。
