My Look My Style~~~Pastel Mania Part 1
近日天氣終於回暖，打兩層Heat Tech底、厚褸、頸巾加深色服的造型終於可以撤退，加上本人一早個心已飛到春夏的粉色服飾多時，所以趁回暖即刻換個色調，換個好心情！由於我身形屬哈比族，所以任何長褸喺我身上都會變成oversized，但我覺得只要唔係跌晒膊，長過膝，其實都唔駛驚唔啱身，同埋近年輕oversized jacket嘛！再加埋「賭神式」披褸法就絕對冇問題啦！
可能有人覺得粉色蝦人著，但其實我覺得同膚色唔算太大關係，而且襯白色就絕對穩陣，怕悶又可以襯同樣大熱既metallics色系，總之身上無一深色items就唔驚出事了！
