Monki mid-season sale減至25折！

Apr 1 2011

曾經有朋友問我：「你同Monki PR好friend架？點解你成日著Monki既衫既？」哈，咁仲不特止，有人問過：「你咁多Monki衫既？佢地係咪有sponsor你？」勁呀！我都想喎其實 🙂

近來的確發覺自己愈買愈多Monki的衫，因為的確好好襯嘛。好多時，起身果下趕頭趕命趕出門，唔知著嘜好，搭黎搭去，都係發覺Monki最好襯，少少 detail之餘又型型地。而當我發現買了一件有detail的衫，但佢又可以襯出好多個唔同look的時候，就會不其然愛上，而且過一段時間會專登走去旺角睇下有無新貨番，而Monki亦成為我近日去旺角的最大原因。

Monki剛剛尋日開始mid-season sale！本身我係打算抱住為大家去睇睇有無正野，預先採訪咁（哈哈），去到都有少量收穫，買左一件25% off同埋一件半價item。不過老老實實，減價貨只佔店內少數貨品，其他大部份貨品都係無得減，不過減價貨又有D OK喎，所以大家都係落去睇睇，順便買下新貨啦！ 🙂