男人肚腩唔駛減???

天氣越來越熱，女士們越著越少。今天早上搭同一架的女同事，已經出動低胸小背心了。但為何男士們，依舊咁密密實實呢？呵！原來有個大肚腩！女士們未到夏天，已經自動自覺要減肥，因為要著小背心，要露手臂露大腿。
男人呢？最多會露毛茸茸的小腿，然後配件寬身的T-shirt或Polo shirt, 因為唔多唔少想遮一遮個肚腩。其實，點解十個男人九個都有肚腩？又，點解肚腩咁難減？一個最簡單最等簡單的原因: 因為男士鍾意食糖！

未必個個男士鍾意食甜品，我身邊很多男士只會吃兩餐或三餐為正餐，但因工作繁忙，一般會吃得快，邊吃邊談話，每餐多飯多肉少菜，而且吃飽後會有飯氣攻心的感覺。其實，這些都是形成大肚腩的危機。

要減肚腩，未必需要節食跟餐單，但最基本是要奉行低升糖指數飲食(LowGI Diet).

白飯，粉麵，麵包，pizza, 意粉，薯條，啤酒，甜品，都含高碳水化合物，即屬高升糖指數(High GI)的食物。每餐主要成份為以上食物，又食到飽飽，就會令血糖升得快。血糖升得快，身體又用唔切 (例如食飽要坐一陣睇電視,電腦), 就容易積聚脂肪形成大肚腩。

所以，不是要”戒澱粉質”，但如果想輕鬆減肚腩，第一步一定要控制澱粉質的比例。美國最近修訂了健康飲食的建議，由沿用多年的食物金字塔，改為”My Plate”, (http://teamnutrition.usda.gov/Resources/MyPlateAtHome_chi.pdf), 當中提倡每餐起碼有一半的食物為蔬菜和生果，一半是澱粉質食物和蛋白質食物。

對一眾”飯桶”,＂食肉獸＂來說，簡直不可思異。不過，如果當你知道，已經有無數研究証實，低升糖指數飲食有助減少腹腔脂肪（即肚腩），而這簡單的飲食改變所費無幾，又可以重拾自信，更加可以減低多項因中央肥胖而引致的健康風險，這簡直是最少成本，又最大獲利的投資啦！所以，男士加油，女士都期待眼睛吃冰淇淋呵~~
更多營養資訊: www.facebook.com/AnnieLeeDiet