London瘋買家品篇
今次最令我喜出望外既地方就係位於
173 Oxford Street London既馬莎(Marks & Spencer)。
呢間Flagship store大到好似department store咁，
地下全部都係家品野，初時都無諗住去，
但朋友要去買野就跟埋去睇，點知見到好多想買既家品。
就好似呢套刀叉匙餐具套裝，
完全可以襯返之前喺Paris Lafayette買既銅色廚具！
我朋友見到”LIBERTY”就好似癲左咁話正，
原來係一個好出名做廚具既公司。
不過呢隻色既餐具真係未見過，香港都搵唔到，
我本身好鍾意玫瑰金色，呢隻銅色都好似，
真係好靚！我一買就買左兩套。
不過呢套餐具都唔平，要成75英磅(約900蚊港紙)，
而且比一般鐵既重。
另外呢度仲有好多浴室、睡房等等既家品，
我最主要係想睇下地墊，
香港通常都係普通款，
要靚就要買有牌子，但有牌子又好貴。
點知呢度就搵到我想買既地墊！
質地仲要非常之好，又靚，
大家上網搵下，呢隻mint色都out of stock喇，
我買左mint同dirty pink，
一塊都係百零蚊港紙，不過就真係好重！
今次我新屋主要係以dirty pink、mint色同floral pattern為主，
返黎之後請朋友飲入伙酒，佢地都大讚呢個地墊好match home theme。
呢次行程真係令我對馬莎改觀，
佢地既野quality好好，好值得推介比你地！
我今次去又好好彩撞正減價，正！
有興趣睇多啲可以睇下佢地既官網，
http://www.marksandspencer.com/
如果想訂返香港就記得留意返shipping fee喇。
跟住我地去左House of Fraser睇Shabby Chic既野，
相信好多人都好鍾意呢個品牌。
雖然佢地既野好多department store都買到，
但係同正店賣既野好多都唔一樣，
所以之後我朋友又好衝動咁走左去正店睇。
House of Fraser網站：
http://www.houseoffraser.co.uk/
黎到正店，見到呢度既裝潢真係掩蓋唔到興奮既心情！
正店既style真係我杯茶，啲家品好靚，睇到勁開心。
正店地址：Address:202 Kensington Park Road London, U.K W11 1NR
只不過佢地既野超級貴！完全係無諗過咁貴！
比起department，呢度真係貴好多，
就好似麻質床單咁，都要3000蚊港紙以上！
香港都有類似但就平好多，
所以我今次就無買野，反而留意佢地既擺設。
大家可以去網站睇下佢地好靚既家品：
http://www.shabbychic.com/
行程去到最後一日，我地喺小街度周圍隨意行，
呢度有好多好有特色既shops，
行行下仲見到有間店既店面放左一個好熟口面既櫃。
之前我又係去旅行見到一個人手砌既貝殼櫃，
果時一見到就非常愛，唔係鍾意咁簡單，
唔度位、尺寸都無理我就買左，
係一個老櫃子，買完之後我都無見過其他地方有得賣。
點個今次行行下，遠黎睇見到，
發覺同屋企果個係一樣！
呢間店好多特色家品野，但係又唔係好貴，
我喺呢暗店行下睇下，最後買左啲門鎖。
不得不提英國人既service好好，呢樣係我最欣賞佢地既野，
佢地亦好welcome online shopping，
建議大家去旅行拎唔到或者買唔切，都可以online訂返返黎。
如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
