抽筋可以點
上星期同伯父飲茶, 他說近日半夜睡覺時多了抽筋, 有時甚至日間都會發生.
抽筋, 亦即是肌肉痙攣 (Muscle Cramp), 是很多人都可能有過的經驗. 抽筋是當身體某組肌肉突然抽搐, 僵硬, 又痛又痺. 最常發生抽筋時是在半夜, 可能半夢半醒之間, 普遍在下肢位置如小腿. 抽筋時彷彿做什麼都沒有大幫助, 掙扎一輪過後就會自動回復正常, 雖然抽筋一般只會維持幾十秒至幾分鐘, 但已經似同自己打完一場仗.
長者, 孕婦, 或劇烈運動過後都容易誘發抽筋. 如果日間進行劇烈運動前後沒有做足夠的Warm up 同Cool Down 動作, 肌肉過度疲勞, 會出現乳酸 (Lactic Acid) 積聚, 兼且大量流汗後未有及時補充電解質, 都會容易導致小腿抽筋.
另外, 如果身體內的鈣和鎂含量不足, 都會容易抽筋. 長者, 孕婦 (特別是懷孕後期), 以及患有骨質疏鬆人士, 特別需要注意鈣和鎂的補充.
要預防抽筋情況, 以下幾點要留意:
• 運動前後要有足夠熱身
• 大量流汗後可飲含電解質飲料
• 平時多做伸展運動放鬆肌肉
• 注意足部保暖 – 睡前可用暖水浸腳及按摩, 加速血液循環
• 飲食要多補足鈣和鎂的食物, 高鈣食物包括乳製品, 連骨的魚如沙丁魚, 深綠色蔬菜如菠菜, 西蘭花等.
• 深綠色蔬菜亦含高鎂量, 另外, 蔬菜生果如魚翅瓜 (Squash) (似葫蘆的南瓜), 南瓜籽 (Pumpkin Seeds), 杏仁, 黑豆, 以及牛油果, 糙米等.
不過, 如果抽筋頻密發生, 就不應忽視, 因為有可能是健康出現問題, 如甲狀腺異常, 或腎臟出現問題, 應看醫生驗查清楚了.
