12月聖誕月！吃貨又出動 去荔枝角新餐廳食餐好錫番自己！

食材新鮮～巧吃～

今次朋友仔帶我去荔枝角一間叫「Food Garden」嘅新餐廳歎番餐！酒同海鮮係我最喜歡嘅食物，所以一坐底梗係叫個海鮮拼盤！海鮮拼盤有齊嚟自歐美等地海鮮，蟹都有新鮮入口法國原隻麵包蟹同美國阿拉斯加皇帝蟹腳，仲有seafood platter必備嘅加拿大青口同翡翠螺，餐廳仲幫我揀埋法國Pouilly Fuisse 2015白酒（你都可以揀Rose Wine：Les Agasses 2015），一啖海鮮一啖酒，又fresh又醉人。$198

之後再同朋友share一個招牌美國和牛煙肉漢堡，美國和牛肉質鮮嫩，配埋香口煙肉，再用新鮮雜菜沙律中和，唔少得香脆即叫即炸美式薯條，加埋啖手工啤（配Chablis Premier Cru 2014白酒都唔錯呀），一絕呀！$128

（而家有優惠推廣，叫美國和牛煙肉漢堡就可以加$20配優質手工啤酒喇！）

如果想飽肚啲，就可以揀美國安格斯28日風乾熟成西冷（8安士），用乾式熟化，將牛肉肌肉入面嘅水分蒸發出來，令牛肉本身嘅天然酵素打破肌肉內嘅結締組織，肉質就更嫩，牛肉本身嘅天然風味就更出更Juice呀！加埋杯

Chateau De Chantegrive 2012（50% Merlot 50% Cabernet Sauvignon）或Chateau Larteau 2010（100% Merlot），就更完美。$428

我已約定朋友係下次試埋英式下午茶拼盤，有唔少熱盤、冷盤，底層係多款口味嘅多士，第二層係即焗muffin＋幾款英式小蛋糕，頂層係酒店級精緻甜品同果撻，一口一件，好優雅啊~$188仲有埋兩杯英式茶，仲有超多傳統英式茶包住揀，下次行完香工就可以來個high tea傾下計喇！