10分鐘快速D.I.Y. Gel Nail
很怕修甲，每每要化兩小時，指甲不能動，聽電話、玩facebook統統不能，那兩小時就像與世隔絕，無聊費事。但每到夏天就想美甲，怎麼辦？我又從櫃內找回失寵了一陣子的Depend Gellack Gel甲機來個 指甲D.I.Y.！
最近有朋友仔教我如何善用呢部機，就是在甲色上，貼上從淘寶選購的貼紙！故我立即淘了一大堆，都只是$1xx（貨未到，未知實物如何），貼紙未到時，就先玩玩淨色甲吧~
呢部Depend Gellack Gel甲機其實兩年前左右我已擁有，這些年來更添置了近30種顏色！此機用法非常簡單，只需簡單5個步驟，絕對可用「快、靚、正」來形容。
你睇，真係有成30支不同顏色嘅甲油呀！
先用Before & After Cleanser清潔甲面，確保甲色塗得更均勻。之後就可進行 指甲D.I.Y. ，依足步驟，Step by Step塗抹，用了Step 2底油後，置於LED燈下30/60秒（我自己會選60秒，會乾得更徹底）後，就可塗抹兩層至三層（較淺色的如nude color，我會塗3層，我喜歡顏色實淨一點）你喜歡的甲色，每次均照燈30/60秒，再抹上Gellack面油，完成照燈程序後，最後再用使用前/後清潔劑抹乾淨甲面，令甲色更光澤持久，便大功告成。
只需有齊Step 2底油、Step 4面油、Before & After Cleanser，加埋LED燈，就可以快速自製Gel Nail！
有埋呢支Remover Oil，卸甲就無難度啦~
而卸甲都好方便，只需先在甲面及指甲邊沿塗上remover oil，再輕輕按摩，然後將雙手浸於約40度的溫水中（如雙手可承受較高溫度，可調高水溫，因愈熱的卸甲效果愈好），再用內附之木棒輕輕於甲邊推 刮，Gel Nail便會整片卸除！（我有時會貪得意，將gel nail搣吓搣吓，都會一片片甩呀！）
雖然未學懂現甲花，塗得也不算很好，但比起一般的甲油，效果明顯平均點也好看點，而且可以每兩個星期換上不同甲色，方便襯衫，又可以令十指更靚靚，絕對抵過係出面整Gel Nail呀~
