高踭鞋新貴–Rupert Sanderson

有一天，同事See煞有介事走來告訴我：「我今日去咗Rupert Sanderson個發布會，我覺得你實會鍾意，因為真係好靚，我試過，4吋踭都好好著。」我對高跟鞋要求很高，不太相信，但看過照片後，發現的確是我杯茶，鞋款簡單不玩嘢，高貴大方，最重要是鞋踭造得畢直，弧度和形態也很美，於是問挑起我購物慾的魔鬼See：「貴唔貴呀？好似真係好靚喎。」魔鬼See即時答道：「貴呀，六七千蚊一對呀！」嘩！真係好貴，即時打消購買的念頭，可是那天借了一對回來拍照，一試之下，真的不得了，12cm高的直踭，意想不到的舒服如無物，可以行得非常穩當，是繼Manolo Blahnik之後，最好穿的12cm高跟鞋。

朋友J看了我拍的這張相，即時send來短訊稱讚道：so expensive! but u look good when wearing ar!
這個英國靚仔設計師Rupert Sanderson，原是廣告才俊，多年前偶然機會下接觸造鞋業，覺得非常有趣，於是毅然轉行當鞋匠，並於Jimmy Choo等著名鞋匠出身的 Cordwainer’s College 進修，畢業後 Rupert 曾於 Sergio Rossi 及 Bruno Magli等鞋履品牌內工作，到2002年自立門戶創辦個人品牌。以「Less Is More」的美學概念設計舒適又不失優雅的高踭鞋，注重如何運作線條、平衡及對稱性，令雙腳顯得更修長，並集中研究鞋楦的尺寸長度及形狀，令即使五吋高踭鞋都可着得舒適，為了可以令理念成真，2006年Rupert Sanderson更買下於意大利Bologna的造鞋工場，更嚴謹操控品質。而短短數年之間，已成為不少名人明星的新寵品牌，更於2008 年獲得British Fashion Awards的Accessory Designer ，去年又被 Karl Lagerfeld 賞識，邀請為其時裝系列設計皮鞋，風頭一時無倆。

我有理由相信，這位又好型又有才華的設計師Rupert Sanderson，應該都係有錢人，否則怎可能話轉行就轉行，還要於進修時，趁暑假環遊意大利的鞋廠、鞋楦廠及皮革廠，深入學習做鞋工藝，沒有足夠的財力，點「深入學習」呀。

但跟Christian Louboutin有同樣的危機，就是款式經典，每季換湯不換藥，大同而小異，轉轉用料顏色而已，買一對已足夠。

Rupert Sanderson更有婚禮系列，由自家工場全人手精製，每對鞋子皆獨一無二，並以最優質的米白色Duchess satin (色丁布)為質料，柔軟舒適。

Cheryl Cole和Gwyneth Paltrow都是Rupert Sanderson的fans。
Rupert Sanderson
地址：中環安蘭街8號
電話：2530 3391