高呼一下:我條線呀！
鍛鍊一個月。
差不多一個月沒有米飯和最愛的麵包，每天與蛋白、蔬果為伍（加偷吃一點零食），終於讓我見到馬甲線的雛形，好感動！趁今日到佐敦谷公園郊遊，順便「曬下」:P
今早起身，決定這樣穿！
今天就放肆一點，咬一口吧！
然後重回訓練，大家都要努力！
用這張圖恐嚇一下！
想減肥的話，在飲食上有建議嗎?
當然有!首先，可以參考營養師設計的健康減脂食譜，14日減10磅不反彈;其次，可以飲用排毒蔬果汁，可以消除疲勞及補充身體所需營養，幫助促進消化及代謝;也可以試試椰菜花飯食譜，代替澱粉質的白飯，滿足沒吃到白飯的空虛。
減肥一定會瘦胸嗎?
不一定，可以參考3招減肥同時豐胸方法;除了運動及飲食外，還可以通淋巴按摩方法去減肥排毒。
恭喜恭喜! “鄧”你開心呀. 其實我呢兩個半月巳減了21磅, 不過距離馬甲線仍有好大段距離. 我無吃米飯兩個幾月, 但午餐有吃carbo – 即是隔天吃蕃薯和鳥冬或麵條, alternate咁食. 晚餐就只吃菜和肉.
嘩！你仲勁！可否share一下？
我的2014年願望是減肥成功, 所以由1月1日開始減. 我以前無咁肥, 但因為年紀大, 新陳代謝差又唔做運動加上阿媽是烹飪高手, 自己又鍾意入廚…..OK, 我的方法是結合了各家之長, 加少少自創.
每星期去焗Yoko介紹的岩盤浴艙兩次. 再加上控制飲食+運動. 飲食方法是跟台灣一名叫”老茶房”的養生專家所提倡的方法, 進食方法類似唐安麒的宇宙飲食. 我早餐只飲一杯黑糖薑茶, 午餐前做1小時exercise(某些動作是在你blog學). 大約12:00nn食午餐, 食物是菜+澱粉(隔天吃蒸蕃薯, 自制麥包, 烏冬或麵條, 總之日日不同, 但白米飯炒飯除外), 食完lunch唔好坐, 立即出去散步1小時, 天氣幾凍都要去. 晚餐6:00pm開始煮及進食, 7:00pm完成. 食物是菜+任何肉類. 老茶房的理論是, 進食要有次序. 先飲湯-再食菜-最後才食肉或澱粉. 七成菜三成肉. 食完dinner又係馬上去散步1小時唔好坐. 食完lunch or dinner之後兩小時唔可以飲水, 兩小時之後才可以飲. 我唔會白烚菜烚肉咁慘無人道, 油鹽調味乜都落(例如蠔油, 潮洲欖菜, 蝦醬, 咖哩醬, 白松露醬, 麻醬, 海鮮醬, 乜都落, 但只會落少少吊味, 等d食物有少少味. 否則成日食到咁寡, 結果只有一個 -> 就係放棄. 啊! 仲有我完全無飲過汽水, 咖啡奶茶, 甜品, 零食. 過年期間完全無食過蘿蔔糕芋頭糕年糕角仔糖果, 甚至在家開年做節都係食返自己煮的減肥餐. 每晚睡前再做Suifi教的啞鈴操, 再加70下sit up.
很好啊，飲食、運動各樣也十分正確！加油，現在只需時間和耐性，很快達標！