阿茂整餅－Delonghi EOB2071新焗爐 & Soft wheat bread

四月尾我的整餅人生有一個好大的轉變 🙂 其實就係我買左個新麵包機+焗爐！呢部Delonghi EOB2071麵包焗爐只 係一般焗爐size，但入面有個搓麵包的圓盤，可以全自動做埋面包，拎佢出黎又可以做番普通焗爐功能，焗蛋糕焗雞焗嘜都得，千色店價錢$23xx，包送貨 之餘sales哥哥仲話送本麵包食譜書比我 🙂 但買電器都係考慮下先好，於是番屋企上網睇睇，碌左有個forum話用HSBC獎賞錢換購只係$10獎賞錢+$17xx（平左$600！）雖然要自取但計 埋的士錢都係抵買（師奶仔），於是就叫哥哥用佢戶口幫我買，order後一星期就收到信可以拎，取貨地點有佐敦或銅鑼灣。

記得第一次買焗爐我係自己去搬的，但今次呢個大個D，於是叫左朋友幫我搬，好彩有叫朋友，如果唔係我一個女仔真係搞唔掂，小女子在此謝過 🙂
之前整麵包除左舊焗爐的爐溫有問題之外，搓麵包亦係一個大問題，於是一開始就試下新焗爐的全自動麵包功能，整soft wheat bread，將所有材料扔哂入去，set好auto設定，佢就自己搓，自己發酵，自己焗。第一次見住佢自己係度搓個感覺好得意。（特別一提呢部EOB2071有「pizza back」設計，內籠呈長方形，但後面有加深設計，可以放入直徑30cm的大pizza。）

第一個出爐麵包，係最basic的白麵包，跟隨爐附送的麵包食譜整，剛焗好時外脆內軟，一切開媽媽即時拎左兩塊黎食，好味！所以呢個焗爐真係值得推介！
如果有興趣買，可以睇睇以下呢個official既網址，有短片示範同埋麵包蛋糕果醬小菜的食譜，好多D資料睇。暫時以我所知係去HSBC獎賞錢果度訂最抵 🙂
http://pangourmet.delonghi.com/en/